تارازدا دارىندى وقۋشىلار ماراپاتتالدى

231

تارازدا حالىقارالىق، رەسپۋبليكالىق ءپان وليمپيادالارى مەن عىلىمي جارىستاردىڭ جەڭىمپازدارى ماراپاتتالدى. 2018-2019 وقۋ جىلىندا جامبىلدىق وقۋشىلار 130 مەدال يەلەنگەن. ونىڭ 29 التىن جۇلدە. ۇشقىر ويى، تەرەڭ بىلىمىمەن ەرەكشەلەنگەن 94 جەتكىنشەككە وبلىس اكىمىنىڭ العىس حاتى جانە 100 مىڭ تەڭگەنىڭ سەرتيفيكاتتارى تابىس ەتىلدى. ماسەلەن، ادىلەت تۇرتەمىر كانادانىڭ تورونتو ۋنيۆەرسيتەتى ۇيىمداستىراتىن جىل سايىنعى ءپان وليمپياداسىنا قاشىقتىقتان قاتىسىپ، ەكىنشى جىل قاتارىنان جۇلدەگەر اتاندى. ول بيولوگيا ءپانى بويىنشا الەمنىڭ ۇزدىك 10 وقۋشىسىنىڭ قاتارىنا ەنىپ وتىر. ال ول وقيتىن دارىندى ەر بالالارعا ارنالعان ءبىلىم-يننوۆاتسيا مەكتەپ-ينتەرناتى ۇزدىك بەس ءبىلىم وشاعىنىڭ قاتارىندا. ادىلەت تۇرتەمىر، جاس تۇلەك: - بولاشاقتاعى ماقساتىم – بيولوگيا عىلىمدارىن تەرەڭ زەرتتەپ، ءارى قاراي سول جولدى جالعاستىرۋ. كورەياعا ۋنيۆەرسيتەتىنە وقۋعا ءتۇستىم. سول جاقتا ءارى قاراي جوبالاردى جالعاستىرامىز. ءجاميلا بەكباتىروۆا، وبلىستىق ءبىلىم باسقارماسى باسشىسىنىڭ ورىنباسارى: - دارىندى بالالارعا ارنالعان تەرەڭدەتىپ وقىتاتىن مامانداندىرىلعان 5 مەكتەپ-ينتەرنات جۇمىس ىستەيدى. سونداي-اق جاراتىلىستانۋ-ماتەماتيكا عىلىمدارىن تەرەڭدەتىپ وقىتۋ ماقساتىندا 11 مەكتەپ-ليتسەيى اشىلدى. ءىت ليتسەي-ينتەرناتى اشىلدى. 14 ءىت سىنىبى اشىلدى. وسىنىڭ ناتيجەسىندە ءبىزدىڭ وبلىستىڭ وقۋشىلارى وزدەرىنىڭ جەتىستىكتەرىن رەسپۋبليكالىق كولەمدە كورسەتىپ، رەسپۋبليكالىق ءپان وليمپيادالارىندا جەڭىمپاز اتاندى.

www.24.kz

پىكىرلەر