وڭتۇستىك استانادا يندۋستريالدى ايماقتاعى قۇرىلىس قارقىنى جوعارى. الماتى قالاسىنىڭ الماتى قالاسى كاسىپكەرلىك جانە ينۆەستيتسيالار باسقارماسىنىڭ دەرەگىنە سۇيەنسەك، جىل سوڭىندا دەيىن 400-گە جۋىق جۇمىس ورنى اشىلىپ، قۇنى 8 ملدر.تەڭگە بولاتىن 6 بىردەي جوبا ىسكە اپپاق. ال قازىرگى تاڭدا 29 ينۆەستيتسيالىق جوبانىڭ قۇرىلىسى قارقىن العان، دەپ جازدى «ادىرنا» ءتىلشىسى.
الماتىنىڭ يندۋستريالىق ايماعى – ءىرى ونەركاسىپتىك جانە وندىرىستىك بيزنەس جوبالارعا ارنالعان اۋماق. مۇندا 88 كومپانيا ورنالاسىپ، 11 مىڭ جۇمىس ورنى اشىلعان.
ايتا كەتەيىك «الماتى يندۋستريالىق ايماعى» جشس قاتىسۋشىلارىنا بيزنەستى مەملەكەتتىك قولداۋ اياسىندا مىناداي مۇمكىندىكتەردى ۇسىنادى:
1) ينۆەستيتسيالىق جوبانى ساتىپ الۋ جانە اۋكتسيوننان ءوتۋ قاجەتتىلىگىنسىز ونى ىسكە اسىرۋعا جەر ۋچاسكەسىن الۋ.
2) 2068 جىلعا دەيىن جەر ۋچاسكەسىنىڭ ۇزاق مەرزىمدى قوسالقى جالداۋىن نەمەسە ونى كاداسترلىق قۇنى بويىنشا ساتىپ الۋدى رەسىمدەۋ (1 گا ءۇشىن 42 ملن تەڭگە).
بۇل رەتتە، ينۆەستور مىناداي ارتىقشىلىقتاردى پايدالانادى:
• ينفراقۇرىلىمدى سالۋ شىعىندارىن ازايتۋ
• قاتاڭ سالالىق بايلانىستىڭ بولماۋى
• الماتى يندۋستريالىق ايماعىنىڭ جۇمىس ىستەۋ مەرزىمىنە بايلانىستى جەر ۋچاسكەسىن جالعا الۋ مۇمكىندىگى (2068 جىلعا دەيىن)
• رۇقسات قۇجاتتاماسىن الۋعا قولداۋ كورسەتۋ جانە كومەك كورسەتۋ
• يندۋستريالىق ايماق اۋماعىندا دايىن ينفراقۇرىلىمنىڭ بولۋى (گازبەن جابدىقتاۋ، سۋمەن جابدىقتاۋ جانە سۋمەن قامتۋ، ەلەكترمەن جابدىقتاۋ، نوسەر كارىزى، تج ستانتسياسى جانە تج ءجۇرىس جولدارى، تالشىقتى-وپتيكالىق بايلانىس جەلىلەرى)
• 2 ميلليون حالقى بار قالا اۋماعىنداعى ەڭ ءىرى ءونىمدى وتكىزۋ نارىعى.
سونىمەن قاتار «Almaty Business 2025» بىرىڭعاي وڭىرلىك باعدارلاماسى اياسىندا الماتى يندۋستريالىق ايماعىنىڭ ينۆەستورى ينۆەستيتسيالىق جوبالاردى جۇزەگە اسىرۋعا دەيىن سۇيەمەلدەۋ، رۇقسات قۇجاتتارىن الۋ جانە بانكتەردە قارىزدار بويىنشا كەڭەس الۋ تۇرىندەگى مەملەكەتتىك جاردەم الادى.
2023 جىلى قازاندا الماتى يندۋستريالىق ايماعىنىڭ وندىرىستىك كەشەندەرى ءۇشىن ماماندار دايارلايتىن يننوۆاتسيالىق تەحنيكالىق كوللەدجدىڭ قۇرىلىسىنا بولىنگەن اۋماقتا جۇمىس باستالدى. بۇل الماتى يندۋستريالىق ايماعىنداعى جالپى قۇنى 9 ملرد تەڭگە بولاتىن باسىم جوبالاردىڭ ءبىرى.
