الماتىدا ورتەنگەن حوستەل زاڭسىز جۇمىس ىستەگەن. بۇل تۋرالى الماتى اكىمدىگى مالىمدەدى، دەپ حابارلايدى “ادىرنا” ۇلتتىق پورتالى.
اقپاراتقا سايكەس، عيماراتتىڭ يەسى - «كۋسا حالىك» جشس. جالعا الۋشى – «ALA Hostel» جشس، جالداۋ جونىندەگى كەلىسىم شارت 21.09.2023 جىلى جاسالعان.
جەر ۋچاسكەسىنىڭ نىسانالى ماقساتى: دۇكەندى پايدالانۋ جانە قىزمەت كورسەتۋ ءۇشىن. بۇل نىسان ءبىر جارىم اي بۇرىن حوستەلگە اينالدى. حوستەل الاڭى 457 شارشى مەتر.
«ساۋلەت، قالا قۇرىلىسى جانە قۇرىلىس قىزمەتى تۋرالى» زاڭعا سايكەس ءۇي-جايلاردى قايتا جابدىقتاۋ كەزىندە رۇقسات قۇجاتتارىن الۋ كەرەك. ونىڭ ۇستىنە الماتىنىڭ قالالىق جوسپارلاۋ جانە ۋربانيستيكا باسقارماسى قايتا جابدىقتاۋعا ارنالعان باستاپقى رۇقسات قۇجاتتارىن (اپز، شەشىم) بەرمەگەن. دۇكەننەن حوستەلگە فۋنكتسيونالدىق ماقساتى وزگەرگەن كەزدە سانيتارلىق-ەپيدەميولوگيالىق، قۇرىلىس تالاپتارى مەن ءورت قاۋىپسىزدىگى ەرەجەلەرىن ورىنداۋى قاجەت»، - دەلىنگەن حابارلامادا.
حوستەلدى جەرتولە جانە جەرتولە قاباتتارىندا ورنالاستىرۋعا سانيتارلىق-ەپيدەميولوگيالىق تالاپتاردىڭ 23-تارماعىنا سايكەس تىيىم سالىنادى.
وسىلايشا، جوعارىدا اتالعان مەكەنجاي بويىنشا حوستەل سانيتارلىق-ەپيدەميولوگيالىق، قۇرىلىس تالاپتارى مەن ءورت قاۋىپسىزدىگى ەرەجەلەرىن بۇزا وتىرىپ، زاڭسىز ورنالاسقان.
بۇعان دەيىن حابارلاعانىمىزداي، بۇگىن تاڭەرتەڭ الماتىدا ورنالاسقان حوستەلدەردىڭ بىرىنەن ءورت شىعىپ، 13 ادامدى اجال قۇشتى. بەلگىلى بولعانداي حوستەلدىڭ ىسكە قوسىلعانىنا نە ءبارى 1,5 اي بولعان. وندا شەتەل ازاماتتارى تۇرعان. سونىمەن قاتار ءورتتىڭ شىعۋ سەبەپتەرىن تەكسەرۋ جونىندەگى ۇكىمەتتىك كوميسسيا قۇرىلدى.ورتتەن زارداپ شەككەندەردىڭ جاعدايى تۋرالى مالىمەت بەلگىلى بولعان ەدى.
