كەشە الماتىدا الەمدىك جۇلدىز 50 Cent-ءتىڭ ۇلكەن كونتسەرتى ءوتتى. قالا تۇرعىندارى مەن قوناقتارى 2000-شى جىلدارداعى Candy Shop, P.I.M.P, In da club سىندى اتى اڭىزعا اينالعان حيتتەرگە بيلەپ، جەلىدە تاماشا پىكىرلەرىن جاريالادى. الايدا كونتسەرتتەن كەيىن "ەلۋباي مىرزادان" كوپشىلىكتىڭ كوڭىلى قالدى، دەپ جازادى "ادىرنا" پورتالى.
بىرنەشە ساعات بۇرىن رەپ ورىنداۋشىسى ءوزىنىڭ پروفيلىندە الماتىدا وتكەن كونتسەرتىنەن سۋرەتتەرىن جاريالاپ، قازاقستاندىقتاردىڭ پىكىرىنشە، ءساتسىز جازبا قالدىردى.
"الماتى، قازاقستان، جاندى! ەگەر "بورات" ءفيلمى بولماسا، نە ايتىپ تۇرعانىمدى تۇسىنبەس ەدىڭىز. مەن عالامدىقپىن", - دەپ جازدى ول سۋرەتكە.
پوسموترەت ەتۋ پۋبليكاتسيۋ ۆ Instagram
2 ساعاتتان از ۋاقىت ىشىندە جۇلدىزدىڭ جازباسىنىڭ استىندا قازاقستاننان دا، باسقا ەلدەردىڭ تۇرعىندارىنان دا جۇزدەگەن نارازى پىكىرلەر پايدا بولدى.
50 Cent, شىن اتى كەرتيس دجەيمس دجەكسون III, ءوز زامانىنىڭ ەڭ تانىمال جانە تابىستى مۋزىكالىق ارتىستەرىنىڭ ءبىرى. ونىڭ مانسابى 2003 جىلى Get Rich نەمەسە Die Tryin البومىنىڭ شىعۋىمەن باستالدى، ول بىردەن اڭىزعا اينالدى جانە حيپ-حوپ يندۋسترياسىندا جاڭا ستاندارتتار ورناتتى. سودان بەرى 50 Cent بىرنەشە تانىمال البومدارىن شىعاردى، سونىڭ ىشىندە The Massacre, Curtis جانە Animal Ambition, سونىمەن قاتار كۋلتتىك فيلمدەر مەن تەلەحيكايالارداعى رولدەرىنىڭ ارقاسىندا ايگىلى اكتەرگە اينالدى.
