Qazaqstanda mındettı daktiloskopiialyq tırkeudı (sausaq ızın alu) engızuden bas tartudy josparlap otyr, - dep habarlaidy "Adyrna" portaly.
Qoldanystaǧy erejelerge säikes, sausaq ızın mındettı tırkeu 2024 jyldyŋ 1 qaŋtarynan bastaluy kerek. Bıraq endı memleket odan bas tartqysy keledı. Būl norma Mäjılıste qaralyp jatqan memlekettık korporasiialardyŋ mäselelerı boiynşa tüzetuler jobasyna engızıldı.
«Zaŋ jobasynyŋ maŋyzdy jaŋalyǧy – 2024 jyldyŋ 1 qaŋtarynan bastap qūjattandyru üşın halyqqa qyzmet körsetu ortalyqtarynda jūmys ıstei bastauy tiıs bolǧan mındettı sausaq ızın aludy alyp tastalynsyn. Şeşım köptegen ötınışterge, qauıpsızdık mäselelerı boiynşa sarapşylardyŋ pıkırıne jäne azamattardyŋ konstitusiialyq qūqyqtarynyŋ qūrmettılıgıne bailanysty qabyldandy. Sausaq ızderı azamattyŋ ötınışı boiynşa qalady. Sonymen qatar, şeteldıkter üşın sausaq ızın alu mındettı bolyp qala beredı», — dedı Mäjılıs deputaty Ekaterina Smyşliaeva.
Esterıŋızge sala keteiık, 2021 jyldyŋ 1 qaŋtarynan bastap «Sausaq ızı jäne genomdyq tırkeu turaly» zaŋ küşıne endı. Ol sausaq ızı men genomdyq aqparatty jinaudy, öŋdeudı jäne qorǧaudy qamtidy. Zaŋǧa säikes, 12 men 16 jas aralyǧyndaǧy balalardyŋ daktiloskopiialyq ızderın olardyŋ kelısımımen jäne ata-anasynyŋ nemese qamqorşysynyŋ qatysuymen ǧana aluǧa bolady, al 16 jastan bastap qazaqstandyqtar üşın sausaq ızın tapsyru mındettı bolady delıngen edı.
Ūqsas jaŋalyqtar
