پروكۋرور الماتى حالىقارالىق اۋەجايىنىڭ بۇرىنعى پرەزيدەنتى ايبول بەكمۇحامبەتوۆتى 10 جىلعا سوتتاۋدى سۇرادى، دەپ حابارلايدى «ادىرنا» ۇلتتىق پورتالى، BES.Media-عا سىلتەمە جاساپ.
«الماتى حالىقارالىق اۋەجايىنىڭ بۇرىنعى پرەزيدەنتى ايبول بەكمۇحامبەتوۆكە قاتىستى نەگىزگى سوت پروتسەسى اياقتالدى. تەرگەۋ بەس جىلعا جۋىق ۋاقىتقا سوزىلدى. اۋەجايدىڭ ەكس-پرەزيدەنتىمەن بىرگە اۋەجايدىڭ اۆياتسيالىق جانار-جاعارماي قىزمەتىنىڭ باسشىسى قۋانىش تۋمىشەۆ ايىپتالۋدا. ولارعا قر قىلمىستىق كودەكسىنىڭ 189-بابىنىڭ 4-بولىگىنىڭ 2-تارماعى (بوتەننىڭ سەنىپ تاپسىرىلعان مۇلكىن يەمدەنۋ نەمەسە ىسىراپ ەتۋ) بويىنشا ايىپ تاعىلۋدا.
پروكۋروردىڭ ايتۋىنشا، قىلمىستىق قۋدالاۋ كەزىندە مۇلىكتىڭ قىلمىستىق تەگى تۋرالى مالىمەتتەر انىقتالماعان. سوتتالۋشىلارعا مۇلىكتى تاركىلەۋ تۇرىندەگى قوسىمشا جازا تاعايىندالماۋدى سۇرادى.
«مەنى اقتاۋىڭىزدى سۇرايمىن، مۇنىڭ ەشقايسىسى بولعان جوق. كۋاگەرلەر ەشتەڭەنى راستامايدى. تەرگەۋشى ششەرباكوۆ مەنى ازاپتادى، سوندىقتان مەنى اقتاۋىڭىزدى سۇرايمىن»، - دەدى بەكمۇحامبەتوۆ.
ىسكە بىرنەشە كومپانيا قاتىستى:
تarlan Aero – حالىقارالىق اۆياكومپانيالاردىڭ اۋە كەمەلەرىنە قىزمەت كورسەتۋ بويىنشا كوممەرتسيالىق قىزمەتتى جۇزەگە اسىرادى، ونىڭ ىشىندە جەكە «ۋكراينا حالىقارالىق اۋە جولدارى» اق;
Aster Aviation Services – تarlan Aero سەرىكتەسى، وزىنىڭ باسقا سەرىكتەسى – دۇنيە جۇزىندەگى جاھاندىق اگەنت – World Fuel Service (WFS) كومپانياسىمەن اۋە كەمەلەرىنە جانارماي قۇيۋ بويىنشا ءىس-شارالاردى جۇزەگە اسىرادى.
قورعاۋشى تاراپ بۇل ءىس ازاماتتىق سوتتا قارالۋى كەرەك دەپ ەسەپتەي وتىرىپ، لۋكاشين وكىنگەنىنە بايلانىستى قىلمىستىق قۋدالاۋدان شەتتەتىلگەنىن اتاپ ءوتتى. ونىڭ ادۆوكاتى ينەسسا كيسەلەۆا ونى بۇكىل تىزبەكتىڭ نەگىزگى بەنەفيتسيارى دەپ اتايدى.
«ايىپتاۋشى توپتاعى سوتتالۋشىلار 1,25 ميلليون اقش دوللارىن (شامامەن 411,66 ميلليون تەڭگە) جىمقىرۋ (سەنىپ تاپسىرىلعان مۇلىكتى ۇرلاۋ) جاساعان دەپ سانايدى»، – دەلىنگەن اقپاراتتا.
سونىمەن بىرگە، زارداپ شەككەن تاراپ – الماتى حالىقارالىق اۋەجايى جاڭا يەلەرىمەن بىرگە ولاردىڭ ەش زيان شەكپەگەنىن اتاپ ءوتتى.
«قىلمىستىق ءىس بويىنشا كەلتىرىلگەن زالال سوتقا دەيىنگى تەرگەپ-تەكسەرۋ شەڭبەرىندە انىقتالعانىن ەسكەرە وتىرىپ، بۇل زالال «حالىقارالىق الماتى اۋەجايى» اق بالانسىندا كورسەتىلمەگەن جانە قىلمىستىق ءىس بويىنشا سوت ۇكىمى زاڭدى كۇشىنە ەنگەنگە دەيىن كورسەتىلمەيدى»، – دەلىنگەن اۋەجايدىڭ حابارلاماسىندا.
بەكمۇحامبەتوۆ جۇمىس ىستەگەن جىلدارى الماتى حالىقارالىق اۋەجايىن قازاقستاننىڭ ەكس-پرەزيدەنتى نۇرسۇلتان نازارباەۆتىڭ كۇيەۋ بالاسى تيمۋر قۇلىباەۆ باسقارعان. 2020 جىلى ونىڭ Venus Airport Investments B.V. اۋە ايلاعىن 415 ميلليون دوللارعا تۇرىك حولدينگى TAV Airports Holding-كە ساتتى.
«ادىرنا» ۇلتتىق پورتالى
