الماتى وبلىسىنىڭ اكىمى مارات سۇلتانعازيەۆ باقىلاۋسىز ءجۇرىپ كەلە جاتقان جولاۋشىلارعا تولى اۆتوبۋستى توقتاتقان 8-سىنىپ وقۋشىسىن ماراپاتتادى، دەپ حابارلايدى «ادىرنا» ءتىلشىسى.
ەستەرىڭىزگە سالا كەتەيىك، 22 قاراشادا 219-اۆتوبۋستىڭ جۇرگىزۋشىسى كەنەتتەن ەسىن جوعالتىپ، تالىپ قالعان ەدى. قوعامدىق كولىكتە بولعان ءجاسوسپىرىم اقجول گەروي تەز قيمىلداپ، تەجەگىشتى باسىپ ۇلگەرگەن.
ەرلىگى ءۇشىن سەگىزىنشى سىنىپ وقۋشىسى وبلىس اكىمى مارات سۇلتانعازيەۆتىڭ قولىنان «العىس حات» پەن iPhone 15 مودەلىن سالتاناتتى تۇردە الدى.
«مۇنداي ارەكەتتەر ەرەكشە العىس پەن قۇرمەتكە لايىق. ءبىز بارشا جاسقا ۇلگى بولۋى ءتيىس ءوڭىرىمىزدىڭ جاس باتىرىن ماقتان تۇتامىز»، - دەدى اكىم.
سونداي-اق سۇلتانعازيەۆ بۇل ءىس ەرلىك پەن باتىلدىقتىڭ، جاۋاپتى ءىستىڭ ۇلگىسى ەكەنىن اتاپ ءوتتى.
