Almaty oblysynyń ákimi Marat Sultanǵazıev baqylaýsyz júrip kele jatqan jolaýshylarǵa toly avtobýsty toqtatqan 8-synyp oqýshysyn marapattady, dep habarlaıdy «Adyrna» tilshisi.
Esterińizge sala keteıik, 22 qarashada 219-avtobýstyń júrgizýshisi kenetten esin joǵaltyp, talyp qalǵan edi. Qoǵamdyq kólikte bolǵan jasóspirim Aqjol Geroı tez qımyldap, tejegishti basyp úlgergen.
Erligi úshin segizinshi synyp oqýshysy oblys ákimi Marat Sultanǵazıevtiń qolynan «Alǵys hat» pen iPhone 15 modelin saltanatty túrde aldy.
«Mundaı áreketter erekshe alǵys pen qurmetke laıyq. Biz barsha jasqa úlgi bolýy tıis óńirimizdiń jas batyryn maqtan tutamyz», - dedi ákim.
Sondaı-aq Sultanǵazıev bul is erlik pen batyldyqtyń, jaýapty istiń úlgisi ekenin atap ótti.
