قازاقستان شەكاراسىنا رەسەي اسكەرى تارتىلۋدا

4916
Adyrna.kz Telegram
قازاقستانمەن شەكارالاس ايماقتاردا ماڭىزدى ءبىر نارسەگە (ك چەمۋ-تو وچەن سەرەزنومۋ) مىقتى دايىندىق باستالدى، دەپ جازادى رەسەيلىك mk.ru باسىلىمىنىڭ ءتىلشىسى اندرەي سوبولەۆ.

ماقالادا ايتىلاتىنداي، شەكارالاس اۋدانداردا ۇلكەن دايىندىق ءجۇرىپ جاتىر. ەلدىمەكەندەردە جولدارعا تاس توسەلۋدە. بارلىق قوناق ۇيلەر بروندالىپ، ىشىندە ارلەۋ جۇمىستارى جۇرگىزىلۋدە. جەرگىلىكتى تۇرعىندار بىرنەشە كۇننەن بەرى اسكەري تەحنيكا مەن ۇلكەن بۋدكالار تيەلگەن "كامازداردى" كورىپ جۇرگەنىن ايتادى.

ال ەندى news.rambler.ru حابارلاعانداي، رەسەي مەن قازاقستان بيىل ەكى ەلدىڭ اۋماعىندا وتەتىن اسكەري وقۋ-جاتتىعۋعا قاتىسۋ ءۇشىن اسكەر الماسادى. رەسەي اسكەريلەرى كورشى رەسپۋبليكاعا بارىپ، باۋىرلاس مەملەكەت ءوز اسكەري بولىمشەلەرىن رەسەيگە جونەلتەدى.

سوندىقتان اسكەريلەردىڭ بۇل بەلسەندىلىگى الداعى حالىقارالىق اسكەري ويىندارمەن بايلانىستى.

بىراق ءبىر "نو" بار – اسكەري-شتابتىق جاتتىعۋدىڭ ۋاقىتى قازاقستانداعى پرەزيدەنت سايلاۋىمەن تۇسپا-تۇس كەلىپ تۇر، ول ەلدە سايلاۋ 9 ماۋسىمعا بەلگىلەنگەن. وسى ءبىر قوزعالىستار سول ەلدە تۋىنداپ وتىرعان شيەلەنىستەرمەن بايلانىستى بولۋى مۇمكىن. ەل بيلىگى قاۋىپسىزدىك شارالارىن قولعا الىپ جاتىر.

Rossaprimavera.ru حابارلاعانداي، "9 مامىردا قازاقستانداعى ينتەرنەت قولدانۋشىلارى Facebook, Instagram, YouTube جانە Telegram-دى اشا الماي قالدى. پروۆايدەرلەر ەلدەن قۋىلعان ديسسيدەنت مۇحتار ءابليازوۆتىڭ حالىقتى ميتينگكە شاقىراتىن تىكەلەي ەفيرىن تۇنشىقتىرۋ ءۇشىن ينتەرنەتتى بۇعاتتاعان بولاتىن".

– كورشى ەلدە ءبارى بەيبىت اياقتالادى، ال شەكاراعا تارتىلىپ جاتقان اسكەري كۇشتەر – شىنىمەن دە تەك ويىن بولسا ەكەن دەپ ۇمىتتەنگىمىز كەلەدى، – دەيدى ماقالا اۆتورى اندرەي سوبولەۆ.

 

Zakon.kz

پىكىرلەر