Úkimet basshysy Álıhan Smaıylov Nurjan Nurjigitovtyń ne úshin Sý jáne ırrıgaııa mınıstri bolyp taǵaıyndalǵanyn túsindirdi, dep habarlaıdy “Adyrna” ulttyq portaly.
Búgin Senattyń jalpy otyrysynan keıin tilshiler Úkimet basshysyna «Bıyl Jambyl oblysynda sý tapshylyǵyna baılanysty 6 aýdanda tótenshe jaǵdaı jarııalandy. Osy oblysty basqarǵan azamat Nurjan Nurjigitov Sý mınıstri bolyp taǵaıyndalǵany jurt arasynda ár túrli túsinbeýshilik týdyrdy. Mysaly «Sý tapshylyǵyna jaýapty adamnyń Sý mınıstri bolýy qanshalyqty qısyndy boldy?» degen suraq týdyrdy. Siz osyny túsindirip bere alasyz ba?» degen suraq qoıyldy.
Álıhan Ashanuly bıyl Jambyl oblysynda vıgıtaııalyq kezeń qıyn ótkenin, alaıda oǵan burynǵy ákim emes, Talas pen Shýdan keletin sýdyń az bolýy sebep bolǵanyn aıtty.
«Sondyqtan jergilikti atqarýshy organdar osy sýdyń az bolýyna jáne onyń saldaryn azaıtýǵa barynsha jumys jasady. Barynsha jumys jasady jáne solardyń usynystary boıynsha biz Óńirlik apattyq boıynsha tótenshe jaǵdaı jarııaladyq. Solardyń usynystary boıynsha apattan zardap shekken fermarlardy biz respýblıkalyq bıýdjettiń rezervinen qarajat bólip, olardyń shyǵyndaryn ótedik. Barlyq atqarylǵan jumystyń nátıjesinde jalpy jaǵdaı baqylaýda boldy jáne saldardyń keri áseri barynsha azaıtyldy. Degenmen ónimniń bir bóligi óndirildi», – dedi ol.
Jýrnalıstiń «Nurjan Moldııaruly sý preblemasyn sheshe ala ma? Oǵan óz basyńyz senesiz be?» degen qosymsha suraǵyna premer-mınıstr «Senemiz. Senbeıtin bolsaq, ony mınıstr etip taǵaıyndaımyz ba? Árıne, senemiz jáne ol qazir shet eldiń ókilderimen belsendi jumystaryn júrgizip jatyr. Ózbekstan, Qyrǵyzstan, Reseı, Tájikstandaǵy áriptestermen jumys istep jatyr. Mysaly sol Qyrǵyzstan tarapymen Shý, Talas ózenderiniń sýyn bólý prınıpteri boıynsha tıisti kelisimderge qol jetkizdi. Endi qazir oǵan baǵa berý erte dep oılaımyn, kelesi sýarý kezeńinen ótsin, sol vıgıtaııalyq kezeńniń nátıjesi boıynsha baǵa berýge bolady. Qazir daıyndyq jumystaryn jasap jatyr» dep jaýap berdi.
