قازاقستاندا پەداگوگتەر ۇلكەن قۇرمەت پەن بەدەلگە يە. ەلىمىزدەگى ءبىلىم سالاسىنداعى دامىعان جۇيەنىڭ ارقاسىندا مۇعالىمدەردىڭ دە الاتىن ورنى مەن ماڭىزى ارتا ءتۇستى. قازاقستاندا پەداگوگتار قوعامدى قالىپتاستىرۋ مەن دامۋدا ماڭىزدى ءرول اتقارادى. ولار بالالار مەن جاستاردى تاربيەلەيدى، ءبىلىم مەن تاجىريبەنى ۇشتاستىرا وتىرىپ، تابىستى جانە باقىتتى ادامداردىڭ تۇلعاسىن قالىپتاستىرادى. پەداگوگ - مادەنيەتتەر مەن داستۇرلەردى كوزدىڭ قاراشىعىنداي ساقتاپ،
ۇرپاقتان-ۇرپاققا سارى مايدان قىل سۋىرعانداي جەتكىزەتىن ماماندىق. سالاۋاتتى ءومىر سالتىن قالىپتاستارا وتىرىپ، قورشاعان ورتاعا جاۋاپكەرشىلىكپەن قاراۋعا باۋليتىن نەگىزگى مامان. بولاشاقتى قالىپتاستىرۋدا ارقايسىسى ماڭىزدى ءرول اتقارادى.
پەداگوگتەردىڭ ابىرويىن ارتتىرا ءتۇسۋ جانە ولاردى قولداۋ، دامىتۋ ماقساتىندا بۇگىنگە دەيىن جاڭا باعدارلامالار مەن باستامالار قولعا الىنۋدا. ونىڭ ايقىن دالەلى - جىل سايىن وقۋ-اعارتۋ مينيسترلىكتەرى وتكىزەتىن شارالار: ۇزدىك مەكتەپ پەن پەداگوگتەرگە ارنالعان كونكۋرستار، مۇعالىمدەردىڭ كاسىبي وسۋىنە سەپتىگىن تيگىزەتىن ءتۇرلى گرانتتار مەن بىلىكتىلىكتى ارتتىرۋ ستيپەنديالارى. بۇگىن دە قاشىقتىقتان وقۋ جۇيەسىن دامىتۋ جانە وقىتۋ ۇدەرىسىنە زاماناۋي تەحنولوگيالاردى ەنگىزۋ ارقىلى، پەداگوگتەردىڭ جان-جاقتى جۇمىس ىستەۋىنە مۇمكىندىك بەرىلۋدە.
قازاقستاندا پەداگوگ ماماندىعىنىڭ مارتەبەسى مەن بەدەلىن ارتتىرۋ كۋرسى بىرنەشە جىل بۇرىن، مۇعالىمنىڭ اسىل ەڭبەگىن قولداۋ، سونداي-اق ونىڭ قىزمەتىنىڭ بارىنشا تيىمدىلىگىن قامتاماسىز ەتۋ ءۇشىن "پەداگوگ مارتەبەسى تۋرالى"قر زاڭى قابىلدانعان كەزدە قولعا الىنعان ەدى.
ۇكىمەتتىڭ 2021 جىلعى 15 شىلدەدەگى كەڭەيتىلگەن وتىرىسىندا مەملەكەت باسشىسى قاسىم-جومارت توقاەۆ پەداگوگتەردى ارتىق جۇكتەمەدەن بوساتۋدى، سونداي-اق مۇعالىمدەرگە تولەمدى ەكى ەسەگە ارتتىرۋدى تاپسىردى. سونىمەن قاتار ارتۇرلى وڭىرلەردەگى پەداگوگ قۇقىقتارىنىڭ تاپتالۋىنا جانە بۇزىلۋىنا جول بەرمەۋ ماقساتىندا كوكسون ءبىلىم بەرۋ سالاسىنداعى ساپالاردى قامتاماسىز ەتەتىن دەپارتامەنتتەردىڭ بازاسىندا پەداگوگ ەتيكاسى جانە ولاردىڭ قۇقىقتارىن قورعاۋ ماسەلەلەرى توڭىرەگىندە كەڭەستەر قۇرىلدى. زاڭعا سايكەس جۇكتەمەلەر قىسقارتىلىپ، پەداگوگ قىزمەتىنە قاتىسى جوق ماسەلەلەردى شەشۋگە تولىقتاي تىيىم سالىنىپ، 16 ساعاتتىق جۇكتەمەگە كوشۋ جۇزەگە اسىرىلدى.
سونداي-اق پەداگوگ ماماندىعىنا دارىندى تۇلەكتەردى تارتۋ جانە ءبىلىم ساپاسىن قامتاماسىز ەتۋ ءۇشىن 2020 جىلدان باستاپ جاس ماماندارعا بىلىكتىلىك ساناتىن بەرۋدىڭ ەرەكشە، جاڭا ءتارتىبى كوزدەلدى. ماسالەن، بولاشاق باعدارلاماسى تۇلەكتەرىنە "پەداگوگ-زەرتتەۋشى" ماماندىعى بەرىلەدى جانە لاۋازىمدىق جالاقىسىنىڭ 40 پايىزى مولشەرىندە قوسىمشا اقى الادى.
پەداگوگتىڭ كاسىبي ءوسۋىنىڭ جاڭا جۇيەسىن ەنگىزۋدىڭ ارقاسىندا ءبىلىم بەرۋ سالاسى قىزمەتكەرلەرىنىڭ جالاقىسى لاۋازىمدىق جالاقىسىنا بايلانىستى 30-دان 50%-عا دەيىن ءوستى. سونىڭ نەگىزىندە بۇگىنگى تاڭدا "پەداگوگ مارتەبەسى تۋرالى" زاڭعا سايكەس پەداگوگيكالىق قايتا دايارلاۋدىڭ ءتيىستى ءبىلىم بەرۋ باعدارلامالارى ازىرلەنۋدە. ساراپشىلار اتاپ وتكەندەي، بۇل شارا جالپى رەسپۋبليكا بويىنشا پەداگوگتەرگە قاجەتتىلىك ماسەلەسىن شەشۋگە باعىتتالعان.
ورىس جازۋشى "ۇستاز ءوز ءىسىن ءسۇيۋى، ويلاي ءبىلۋى، بارلىق ءىستى شىن ىنتاسىمەن اتقارا ءبىلۋى ماڭىزدى" دەگەن ەكەن. ال ك.د.ۋشينسكي "وقىتۋشى ءوز ءبىلىمىن ۇنەمى جەتىلدىرىپ وتىرعاندا عانا وقىتۋشى بولا الادى. ال وسى ىزدەنىستى توقتاتقاندا، ونىڭ دا مۇعالىمدىگى جويىلادى" دەيدى. سوندىقتان ءار پەداگوگتىڭ ۇنەمى ءوزىن دامىتىپ وتىرۋى ماڭىزدى.
قازاقستاندا پەداگوگتەردىڭ بەدەلىمەن قاتار، كاسىبيلىگىن ارتتىرۋ جۇمىستارى دا قولعا الىنعان. ولاردىڭ قاتارىنا تومەندە كورسەتىلگەن شارالاردى جاتقىزۋعا بولادى:
- بىلىكتىلىكتى ارتتىرۋ جانەكاسىپتىك قايتا دايارلاۋ: كۋرستاردى،سەمينارلار، ترەنينگتەر جانە ماستەر-كلاسستار ۇيىمداستىرۋ ارقىلى مۇعالىمدەرگە كومەكتەسەتىن وز سالاسىنداعى ءبىلىم مەن داعدىلاردى قالىپتاستىرۋ شارالارى;
- كاسىبي قاۋىمداستىقتاردى دامىتۋجانە پەداگوگتەر بىرلەستىكتەرىن قۇرۋ،فورۋمدار، كلۋبتار، قاۋىمداستىقتاردا تاجىريبە الماسۋ، وزەكتى ماسەلەلەردى تالقىلاۋ، سونداي-اق قولداۋ كورسەتۋ;
- پەداگوگتەرگە ءوزىن-ءوزى دامىتۋ ءۇشىن جاعداي جاساۋ:عىلىميكونفەرەنتسيالارعا قاتىسۋ ءۇشىن مۇمكىندىك بەرۋ، حالىقارالىق سەمينارلار، كونكۋرستارعا قاتىسۋ، بەدەلدى باسىلىمدارعا ماقالالار جاريالاۋ;
- يننوۆاتسيالاردى قولداۋ جانەەكسپەريمەنتتىك جۇمىس: پەداگوگتەرگە قولايلى جاعدايلار جاساۋ ءۇشىن وقىتۋدىڭ جاڭاادىستەرى مەن تەحنولوگيالارىن ەنگىزۋ، سونداي-اق پەداگوگتەرگە شىعارماشىلىقپەن اينالىسۋعا مۇمكىندىك بەرۋ;
- ءبىلىم بەرۋدەگى ساپانى ارتتىرۋ ءۇشىن باعالاۋ جۇيەسىن دامىتۋ: بۇل جۇيەنى ەنگىزۋ ارقىلى پەداگوگتەردىڭ كاسىبي دەڭگەيى مەن ولاردىڭ جۇمىس تيىمدىلىگىن ارتتىرۋ;
- مەكتەپ جانە وتباسى اراسىنداعى بايلانىستى نىعايتۋ: اتا-انالارمەنجينالىس ۇيىمداستىرۋ، بىرلەسكەنباعىتتالعان ءىس-شارالار مەن جوبالاردى جۇزەگە اسىرۋ;
- كاسىبي جۇيەنى قۇرۋ جانە مانساپتىق ءوسۋ: پەداگوگيكالىقكادرلاردىڭبىلىكتىلىكتىلىگىن ارتتىرۋ، تاعىلىمداما، جوبالار مەن باعدارلامالارعا قاتىسۋ، جاس پەداگوگتاردى قولداۋ.
- مەكتەپتەردىڭ ينفراقۇرىلىمىن دامىتۋ:مەكتەپتەردى قازىرگى زاماناۋي جابدىقتارمەن، وقۋ ماتەريالدارىمەن،مۇعالىمدەرگە ءتيىمدى ءارى قىزىقتى ساباق وتكىزۋگە مۇمكىندىك بەرەتىن تەحنولوگيالارمەن قامتاماسىز ەتۋ;
- پەداگوگتەردىڭ جۇمىسىنىڭ تيىمدىلىگىنە مونيتورينگ جانە تالداۋ جۇرگىزۋ: مونيتورينگ ناتيجەسىندە الىنعان دەرەكتەرپەداگوگتار جۇمىسىنىڭ تيىمدىلىگىن باعالاۋ مەنپروبلەمالىق ايماقتاردى انىقتاۋعا، ولاردى جويۋعا مۇمكىندىك بەرەدى.
ۇستازى بار ەلدىڭ ۇستامى مىقتى. پەداگوگ مەكتەپتىڭ عانا ەمەس، مەملەكەتتىڭ جۇرەگى. ءبىلىم مەن تاربيەنىڭ نەگىزگى كوزىنە اينالعان وسى ءبىر ماماندىق يەلەرىنىڭ بەدەلى مەن كاسىبيلىگىن كۇن سايىن ارتتىرىپ، ماڭىزىن ۇعىندىرۋ - العا قويعان ەڭ ۇلكەن ماقساتتاردىڭ ءبىرى.
