Qazaqstanda pedagogter ülken qūrmet pen bedelge ie. Elımızdegı bılım salasyndaǧy damyǧan jüienıŋ arqasynda mūǧalımderdıŋ de alatyn orny men maŋyzy arta tüstı. Qazaqstanda pedagogtar qoǧamdy qalyptastyru men damuda maŋyzdy röl atqarady. Olar balalar men jastardy tärbieleidı, bılım men täjıribenı ūştastyra otyryp, tabysty jäne baqytty adamdardyŋ tūlǧasyn qalyptastyrady. Pedagog - mädenietter men dästürlerdı közdıŋ qaraşyǧyndai saqtap,
ūrpaqtan-ūrpaqqa sary maidan qyl suyrǧandai jetkızetın mamandyq. Salauatty ömır saltyn qalyptastara otyryp, qorşaǧan ortaǧa jauapkerşılıkpen qarauǧa baulityn negızgı maman. Bolaşaqty qalyptastyruda ärqaisysy maŋyzdy röl atqarady.
Pedagogterdıŋ abyroiyn arttyra tüsu jäne olardy qoldau, damytu maqsatynda bügınge deiın jaŋa baǧdarlamalar men bastamalar qolǧa alynuda. Onyŋ aiqyn dälelı - jyl saiyn Oqu-aǧartu ministrlıkterı ötkızetın şaralar: üzdık mektep pen pedagogterge arnalǧan konkurstar, mūǧalımderdıŋ käsıbi ösuıne septıgın tigızetın türlı granttar men bılıktılıktı arttyru stipendiialary. Bügın de qaşyqtyqtan oqu jüiesın damytu jäne oqytu üderısıne zamanaui tehnologiialardy engızu arqyly, pedagogterdıŋ jan-jaqty jūmys ısteuıne mümkındık berılude.
Qazaqstanda pedagog mamandyǧynyŋ märtebesı men bedelın arttyru kursy bırneşe jyl būryn, mūǧalımnıŋ asyl eŋbegın qoldau, sondai-aq onyŋ qyzmetınıŋ barynşa tiımdılıgın qamtamasyz etu üşın "pedagog märtebesı turaly"QR Zaŋy qabyldanǧan kezde qolǧa alynǧan edı.
Ükımettıŋ 2021 jylǧy 15 şıldedegı keŋeitılgen otyrysynda Memleket Basşysy Qasym-Jomart Toqaev pedagogterdı artyq jüktemeden bosatudy, sondai-aq mūǧalımderge tölemdı ekı esege arttyrudy tapsyrdy. Sonymen qatar ärtürlı öŋırlerdegı pedagog qūqyqtarynyŋ taptaluyna jäne būzyluyna jol bermeu maqsatynda KOKSON bılım beru salasyndaǧy sapalardy qamtamasyz etetın departamentterdıŋ bazasynda pedagog etikasy jäne olardyŋ qūqyqtaryn qorǧau mäselelerı töŋıregınde keŋester qūryldy. Zaŋǧa säikes jüktemeler qysqartylyp, pedagog qyzmetıne qatysy joq mäselelerdı şeşuge tolyqtai tyiym salynyp, 16 saǧattyq jüktemege köşu jüzege asyryldy.
Sondai-aq pedagog mamandyǧyna daryndy tülekterdı tartu jäne bılım sapasyn qamtamasyz etu üşın 2020 jyldan bastap jas mamandarǧa bılıktılık sanatyn berudıŋ erekşe, jaŋa tärtıbı közdeldı. Mäsälen, Bolaşaq baǧdarlamasy tülekterıne "pedagog-zertteuşı" mamandyǧy berıledı jäne lauazymdyq jalaqysynyŋ 40 paiyzy mölşerınde qosymşa aqy alady.
Pedagogtyŋ käsıbi ösuınıŋ jaŋa jüiesın engızudıŋ arqasynda bılım beru salasy qyzmetkerlerınıŋ jalaqysy lauazymdyq jalaqysyna bailanysty 30-dan 50%-ǧa deiın östı. Sonyŋ negızınde bügıngı taŋda "pedagog märtebesı turaly" Zaŋǧa säikes pedagogikalyq qaita daiarlaudyŋ tiıstı bılım beru baǧdarlamalary äzırlenude. Sarapşylar atap ötkendei, būl şara jalpy respublika boiynşa pedagogterge qajettılık mäselesın şeşuge baǧyttalǧan.
Orys jazuşy "Ūstaz öz ısın süiuı, oilai bıluı, barlyq ıstı şyn yntasymen atqara bıluı maŋyzdy" degen eken. Al K.D.Uşinskii "Oqytuşy öz bılımın ünemı jetıldırıp otyrǧanda ǧana oqytuşy bola alady. Al osy ızdenıstı toqtatqanda, onyŋ da mūǧalımdıgı joiylady" deidı. Sondyqtan är pedagogtyŋ ünemı özın damytyp otyruy maŋyzdy.
Qazaqstanda pedagogterdıŋ bedelımen qatar, käsıbilıgın arttyru jūmystary da qolǧa alynǧan. Olardyŋ qataryna tömende körsetılgen şaralardy jatqyzuǧa bolady:
- Bılıktılıktı arttyru jänekäsıptık qaita daiarlau: kurstardy,seminarlar, treningter jäne master-klasstar ūiymdastyru arqyly mūǧalımderge kömektesetın öz salasyndaǧy bılım men daǧdylardy qalyptastyru şaralary;
- Käsıbi qauymdastyqtardy damytujäne pedagogter bırlestıkterın qūru,forumdar, klubtar, qauymdastyqtarda täjıribe almasu, özektı mäselelerdı talqylau, sondai-aq qoldau körsetu;
- Pedagogterge özın-özı damytu üşın jaǧdai jasau:ǧylymikonferensiialarǧa qatysu üşın mümkındık beru, halyqaralyq seminarlar, konkurstarǧa qatysu, bedeldı basylymdarǧa maqalalar jariialau;
- İnnovasiialardy qoldau jäneeksperimenttık jūmys: pedagogterge qolaily jaǧdailar jasau üşın oqytudyŋ jaŋaädısterı men tehnologiialaryn engızu, sondai-aq pedagogterge şyǧarmaşylyqpen ainalysuǧa mümkındık beru;
- Bılım berudegı sapany arttyru üşın baǧalau jüiesın damytu: būl jüienı engızu arqyly pedagogterdıŋ käsıbi deŋgeiı men olardyŋ jūmys tiımdılıgın arttyru;
- Mektep jäne otbasy arasyndaǧy bailanysty nyǧaitu: ata-analarmenjinalys ūiymdastyru, bırleskenbaǧyttalǧan ıs-şaralar men jobalardy jüzege asyru;
- Käsıbi jüienı qūru jäne mansaptyq ösu: pedagogikalyqkadrlardyŋbılıktılıktılıgın arttyru, taǧylymdama, jobalar men baǧdarlamalarǧa qatysu, jas pedagogtardy qoldau.
- Mektepterdıŋ infraqūrylymyn damytu:mektepterdı qazırgı zamanaui jabdyqtarmen, oqu materialdarymen,mūǧalımderge tiımdı ärı qyzyqty sabaq ötkızuge mümkındık beretın tehnologiialarmen qamtamasyz etu;
- Pedagogterdıŋ jūmysynyŋ tiımdılıgıne monitoring jäne taldau jürgızu: monitoring nätijesınde alynǧan derekterpedagogtar jūmysynyŋ tiımdılıgın baǧalau menproblemalyq aimaqtardy anyqtauǧa, olardy joiuǧa mümkındık beredı.
