سوت نۇرجان التاەۆقا قاتىستى ۇكىم شىعاردى، دەپ حابارلايدى سىبايلاس جەمقورلىققا قارسى قىزمەتتىڭ ءباسپاسوز قىزمەتى. بۇل تۋرالى «ادىرنا» ۇلتتىق پورتالى جازادى.
«ن.ب. التاەۆ ەڭبەك جانە الەۋمەتتىك قورعاۋ ۆيتسە-ءمينيسترى، كەيىننەن قر پارلامەنتى ءماجىلىسىنىڭ دەپۋتاتى رەتىندە جۇيەلى نەگىزدە «اتامەكەن» ۇكپ باسقارما توراعاسى ا. ي. مىرزاحمەتوۆتەن اسا ءىرى مولشەردە پارا الدى دەگەن كۇدىكپەن ۇستالعان. 2018-2020 جىلدار كەزەڭىندە جاۋاپتى مەملەكەتتىك لاۋازىمداردى اتقارا وتىرىپ، ول ا. ي. مىرزاحمەتوۆتىڭ مۇددەسى ءۇشىن ارەكەت ەتكەن، سونداي-اق ونىڭ ۇيىمىنا مەملەكەتتىك تاپسىرىستاردى قابىلداۋعا ۇلەس قوستى جانە جالپى قامقورلىق جاسادى»، - دەپ جازىلعان حابارلامادا.
پروكۋرور ءماجىلىستىڭ بۇرىنعى دەپۋتاتى نۇرجان التاەۆتى 12 جىلعا باس بوستاندىعىنان ايىرۋدى سۇرادى. سوت جابىق ەسىك جاعدايىندا ءوتىپ، ايىپتالۋشى ول 10 جىلعا باس بوستاندىعىنان ايىرىلدى.
ايتا كەتەيىك، 7 ماۋسىم كۇنى سىبايلاس جەمقورلىققا قارسى قىزمەت ءماجىلىستىڭ ەكس-دەپۋتاتى نۇرجان التاەۆتى اسا ءىرى كولەمدە پارا الدى دەگەن كۇدىكپەن ۇستاعان بولاتىن.
«ادىرنا» ۇلتتىق پورتالى
