"ازاتتىقتىڭ"زەرتتەۋىنەن سوڭ قىرعىز پرەمەرى شەتەلگە كەتكەن قارجىنى تەكسەرۋدى تاپسىردى

1526
Adyrna.kz Telegram

قىرعىزستان مەملەكەتتىك قارجى بارلاۋ قىزمەتىنىڭ توراعاسى گۋلامجان انارباەۆتىڭ ايتۋىنشا، جۋرناليستىك زەرتتەۋدە اتالعان قارجىنىڭ شەتەلگە شىعارىلعانى جايلى مالىمەتتەردى مەكەمە 2014 جىلى ىشكى ىستەر مينيسترلىگىنىڭ قاراۋىنا وتكىزگەن.

"قازىر قارجى بارلاۋ قىزمەتى مەن قارجى پوليتسياسى بىرلەسىپ، 700 ملن دوللاردىڭ ەلدەن شىعارىلعانى جايلى مالىمەتتى تەكسەرىپ جاتىر" دەدى توراعا.

پرەمەر-مينيستر مۋحاممەدكالىي ابىلگازيەۆ تەكسەرۋدى تەزدەتۋدى تاپسىردى.

"مۇقيات تەكسەرىپ قانا قويماي، ونى قوعامعا حابارلاپ وتىرۋ قاجەت. تەكسەرۋ قورىتىندىسىن تۇرعىندار ءبىلۋى ءتيىس" دەدى ۇكىمەت باسشىسى.

29 مامىردا ازاتتىقتىڭ قىرعىز قىزمەتىنىڭ "ىنگايسىز سۋروولور"باعدارلاماسىنىڭ كەزەكتى سانىندا قىرعىزستاننان ميلليونداعان دوللار زاڭسىز شىعارىلعانى تۋرالى دەرەك ايتىلعان.

پىكىرلەر