Qyrǵyzstan premer-mınıstri Mýhammedkalyı Abylgazıev Azattyqtyń Qyrǵyz qyzmeti zertteýindegi málimetterdi tekserýge qatysty jınalys ótkizdi. Bul týraly 4 maýsymda Qyrǵyzstan úkimeti baspasóz qyzmeti habarlady.
Qyrǵyzstan memlekettik qarjy barlaý qyzmetiniń tóraǵasy Gýlamjan Anarbaevtyń aıtýynsha, jýrnalıstik zertteýde atalǵan qarjynyń shetelge shyǵarylǵany jaıly málimetterdi mekeme 2014 jyly ishki ister mınıstrliginiń qaraýyna ótkizgen.
"Qazir qarjy barlaý qyzmeti men qarjy polıııasy birlesip, 700 mln dollardyń elden shyǵarylǵany jaıly málimetti tekserip jatyr" dedi tóraǵa.
Premer-mınıstr Mýhammedkalyı Abylgazıev tekserýdi tezdetýdi tapsyrdy.
"Muqııat tekserip qana qoımaı, ony qoǵamǵa habarlap otyrý qajet. Tekserý qorytyndysyn turǵyndar bilýi tıis" dedi úkimet basshysy.
29 mamyrda Azattyqtyń Qyrǵyz qyzmetiniń "Yngaısyz sýroolor"baǵdarlamasynyń kezekti sanynda Qyrǵyzstannan mıllıondaǵan dollar zańsyz shyǵarylǵany týraly derek aıtylǵan.
