قازاقستان رەسپۋبليكاسىنىڭ مەملەكەتتىك كەڭەسشى ەرلان قارين ەۋرو-2024 چەمپيوناتىندا ونەر كورسەتكەن قازاقستان ۇلتتىق قۇراماسىنا قولداۋ ءبىلدىرىپ، ينستاگرام جەلىسىندە جازبا جاريالادى, دەپ حابارلايدى «ادىرنا» ۇلتتىق پورتالى.
«ۇلتتىق قۇراما Euro-2024 چەمپيوناتىنا ىرىكتەۋ ويىندارىن وتە جاقسى وتكىزدى. سلوۆەنيامەن وتكەن كەزدەسۋ سونىڭ ايقىن كورىنىسى. رامازان ورازوۆ ەسەپتى تەڭەستىرگەندە، تۇتاس قازاقستان دەمىن ىشىنە تارتىپ، جىگىتتەردىڭ جورىعى گەرمانيادا جالعاساتىنداي اسەردە وتىرعانى جاسىرىن ەمەس. دەگەنمەن تىكەلەي جولداما بۇل جولى بۇيىرماپتى. قالاي دەسەك تە، جىگىتتەر جارادى! قازاقستان فۋتبولىنىڭ وسكەنىن، وزگەلەردىڭ ساناسۋى كەرەك ەكەنىن، ەندى بۇرىنعىداي بولمايتىنىن دالەلدەدى. جانكۇيەرلەرگە جىگەر، ەلگە قۋانىش سىيلاعان ۇلتتىق قۇراماعا مىڭ العىس! قازاقستان فۋتبولىنىڭ دامۋىنا ۇلكەن سەرپىلىس اكەلگەندەرىڭىز ءۇشىن ريزامىز. جىگىتتەر مۇنىمەن توقتاپ قالمايدى دەگەن سەنىمدەمىز. جۇرتشىلىقتى ءالى تالاي جەڭىستەرمەن، جەتىسىكتەرمەن قۋانتا بەرەتىنى انىق. راقمەت، ۇلتتىق قۇراما!»، - دەيدى ساياساتكەر.
سونداي-اق جەلى قولدانۋشىلارى دا وتاندىق فۋتبولشىلارىمىزعا شىنايى لەبىزدەرىن ءبىلدىرىپ جاتىر. «جىگىتتەر، راقمەت، كۇشتى ويىن بولدى»، «ورازوۆ پەن سامودوروۆ سوڭىنا دەيىن جۇگىردى عوي، فۋتبولىمىز دامي بەرسىن، مىقتى ويىنشىلار»، «قازاقستان، العا! جەڭىس ءالى الدا»، – دەپ پىكىرلەر قالدىرعان.
ەسەرىڭىزگە سالا كەتەيىك, وتكەن ءتۇنى قازاقستان ۇلتتىق قۇراماسى سلوۆەنيا فۋتبول كومانداسىمەن 2:1 ەسەبىمەن ويىندى اياقتاعان بولاتىن.
«ادىرنا» ۇلتتىق پورتالى
