بۇگىنگى كۇن نايزاعايدىڭ جالىن ەرتتەپ مىنگەن قايسار قازاق امان اعامىزدىڭ قارالى حابارىمەن باستالدى. جانازا 23 قاراشادا دەگەن اقپارات بار. ەرتەڭ ماحامبەت اساباەۆ باستاعان قازاق جىگىتتەرى اتا مەكەننىڭ ءبىر ۋىس توپىراعىن الىپ، كەمەروۆاعا جولعا شىعۋعا دايىندالىپ جاتىر. ال مەن مەملەكەت باسشىسى ق.ج. توقاەۆ اتىنان كوڭىل ايتادى، قازاق اتىنان رەسمي دەلەگاتسيا بارادى دەپ ۇمىتتەنەمىن.
امان اعامىزدان بىرنەشە رەت سۇحبات الۋدىڭ ءساتى ءتۇستى ماعان. بىرنەشە رەت تىلدەسىپ، باۋىر باسىپ قالعان سوڭ ەلدىڭ كوكەيىندە جۇرگەن سۇراقتارعا جاۋاپ الۋعا تىرىسقانمىن. اعامىز اكەسىنىڭ 1980 جىلدارگا دەيىن ءتىرى بولعانىن 1990 جىلدارى ەستىگەن.
تاۋەلسىزدىكتىڭ العاشقى جىلدارىندا ەلدىڭ ەڭ دامىماي قالعان وبلىستارىن باسقارسام دەگەن تىلەگى بولعان، باسقارا الماسام ماعان سەرت دەگەن ۋادە دە ايتىلعان. بىراق جوعارعى جاقتىڭ ۇركىپ كەتۋىنە وسى فاكتور سەبەپ بولسا كەرەك.
سوسىن "سىزدە قازاق تىلىنە ساپسەم نيۋح جوق قوي" دەپ سۇراعانىمدا «بۇل – مەنىڭ ىشتە كەتىپ بارا جاتقان ارمانىم، ءبىر ورىسى جوق قازاق اۋىلدا ءۇش اي تۇرعانىمدا سىزبەن انا تىلىمدە سويلەسەتىن ەدىم، مەن جۇرگەن ورتادا انا تىلىمدە سويلەۋگە مۇمكىندىك جوق» دەپ جاۋاپ بەردى.
«بالالارىنىز قازاق ەكەنىن بىلە مە دەگەنىمدە ولاردىڭ قۇجاتتارىندا رەسەيلىك ازامات دەگەن جازۋ بار، مەن تۇرعان ەلدە ازاماتتىڭ ۇلتى كورسەتىلمەيدى، بالالارىم قازاق ەكەنىن دە، اداي ەكەنىن دە بىلەدى» دەپ جاۋاپ بەرگەن.
امان اعانى ىزدەپ بارعان جەتى قازاق جىگىتىنىڭ جەتەكشىسى ماحامبەت " امان اعاعا قانداي سىي اپارامىز دەپ ابدەن ويلاندىق. ەڭ سوڭعى شەشىم اتا باباسىنىڭ شەجىرەسى جازىلعان كارتيناگا توقتالدى. اعا سول كارتينانى، اكەسىنىڭ ەسىمىن كورگەندە بالداقسىز بەس-التى قادام ءجۇرىپ، اكەسىنىڭ اتى جازىلعان تۇستى ماڭايىنا باستى، نايزاعاي قازاق سول ساتتە كوز جاسىن جاسىرمادى»،- دەپ جاۋاپ بەرگەن ەدى.
امان اعا ەشكىمگە ەسەپ بەرمەيتىن ءوزىنىڭ كەڭىستىگىنە رۋح بولىپ ۇشىپ كەتتى. ءتانى رەسەيدە بولعانمەن رۋحىنىڭ قازاق جەرىنە ۇشىر كەلگەنىنە مەن سەنەمىن. پەرىشتە نۇرىڭىز شالقىسىن، جاقسى اعا. سىزدەي اداممەن ءبىر زاماندا ءومىر سۇرگەنىمدى، تىلدەسىپ، باتاسىن العانىمدى سوڭعى دەمىم بىتكەنشە ۇمىتپايمىن.
Gulbarshyn Sabaeva
