Bügıngı kün naizaǧaidyŋ jalyn erttep mıngen qaisar qazaq Aman aǧamyzdyŋ qaraly habarymen bastaldy. Janaza 23 qaraşada degen aqparat bar. Erteŋ Mahambet Asabaev bastaǧan qazaq jıgıtterı ata mekennıŋ bır uys topyraǧyn alyp, Kemerovaǧa jolǧa şyǧuǧa daiyndalyp jatyr. Al men memleket basşysy Q.J. Toqaev atynan köŋıl aitady, qazaq atynan resmi delegasiia barady dep ümıttenemın.
Aman aǧamyzdan bırneşe ret sūhbat aludyŋ sätı tüstı maǧan. Bırneşe ret tıldesıp, bauyr basyp qalǧan soŋ eldıŋ kökeiınde jürgen sūraqtarǧa jauap aluǧa tyrysqanmyn. Aǧamyz äkesınıŋ 1980 jyldarga deiın tırı bolǧanyn 1990 jyldary estıgen.
Täuelsızdıktıŋ alǧaşqy jyldarynda eldıŋ eŋ damymai qalǧan oblystaryn basqarsam degen tılegı bolǧan, basqara almasam maǧan sert degen uäde de aitylǧan. Bıraq joǧarǧy jaqtyŋ ürkıp ketuıne osy faktor sebep bolsa kerek.
Sosyn "sızde qazaq tılıne säpsem niuh joq qoi" dep sūraǧanymda «būl – menıŋ ışte ketıp bara jatqan armanym, bır orysy joq qazaq auylda üş ai tūrǧanymda sızben ana tılımde söilesetın edım, men jürgen ortada ana tılımde söileuge mümkındık joq» dep jauap berdı.
«Balalarynyz qazaq ekenın bıle me degenımde olardyŋ qūjattarynda reseilık azamat degen jazu bar, men tūrǧan elde azamattyŋ ūlty körsetılmeidı, balalarym qazaq ekenın de, adai ekenın de bıledı» dep jauap bergen.
Aman aǧany ızdep barǧan jetı qazaq jıgıtınıŋ jetekşısı Mahambet " Aman aǧaǧa qandai syi aparamyz dep äbden oilandyq. Eŋ soŋǧy şeşım ata babasynyŋ şejıresı jazylǧan kartinaga toqtaldy. Aǧa sol kartinany, äkesınıŋ esımın körgende baldaqsyz bes-alty qadam jürıp, äkesınıŋ aty jazylǧan tūsty maŋaiyna basty, naizaǧai qazaq sol sätte köz jasyn jasyrmady»,- dep jauap bergen edı.
Aman aǧa eşkımge esep bermeitın özınıŋ keŋıstıgıne ruh bolyp ūşyp kettı. Tänı Reseide bolǧanmen ruhynyŋ qazaq jerıne ūşyr kelgenıne men senemın. Perışte nūryŋyz şalqysyn, Jaqsy aǧa. Sızdei adammen bır zamanda ömır sürgenımdı, tıldesıp, batasyn alǧanymdy soŋǧy demım bıtkenşe ūmytpaimyn.
Gulbarshyn Sabaeva
Ūqsas jaŋalyqtar
