Búgingi kún naızaǵaıdyń jalyn erttep mingen qaısar qazaq Aman aǵamyzdyń qaraly habarymen bastaldy. Janaza 23 qarashada degen aqparat bar. Erteń Mahambet Asabaev bastaǵan qazaq jigitteri ata mekenniń bir ýys topyraǵyn alyp, Kemerovaǵa jolǵa shyǵýǵa daıyndalyp jatyr. Al men memleket basshysy Q.J. Toqaev atynan kóńil aıtady, qazaq atynan resmı delegaııa barady dep úmittenemin.
Aman aǵamyzdan birneshe ret suhbat alýdyń sáti tústi maǵan. Birneshe ret tildesip, baýyr basyp qalǵan soń eldiń kókeıinde júrgen suraqtarǵa jaýap alýǵa tyrysqanmyn. Aǵamyz ákesiniń 1980 jyldarga deıin tiri bolǵanyn 1990 jyldary estigen.
Táýelsizdiktiń alǵashqy jyldarynda eldiń eń damymaı qalǵan oblystaryn basqarsam degen tilegi bolǵan, basqara almasam maǵan sert degen ýáde de aıtylǵan. Biraq joǵarǵy jaqtyń úrkip ketýine osy faktor sebep bolsa kerek.
Sosyn "sizde qazaq tiline sápsem nıýh joq qoı" dep suraǵanymda «bul – meniń ishte ketip bara jatqan armanym, bir orysy joq qazaq aýylda úsh aı turǵanymda sizben ana tilimde sóılesetin edim, men júrgen ortada ana tilimde sóıleýge múmkindik joq» dep jaýap berdi.
«Balalarynyz qazaq ekenin bile me degenimde olardyń qujattarynda reseılik azamat degen jazý bar, men turǵan elde azamattyń ulty kórsetilmeıdi, balalarym qazaq ekenin de, adaı ekenin de biledi» dep jaýap bergen.
Aman aǵany izdep barǵan jeti qazaq jigitiniń jetekshisi Mahambet " Aman aǵaǵa qandaı syı aparamyz dep ábden oılandyq. Eń sońǵy sheshim ata babasynyń shejiresi jazylǵan kartınaga toqtaldy. Aǵa sol kartınany, ákesiniń esimin kórgende baldaqsyz bes-alty qadam júrip, ákesiniń aty jazylǵan tusty mańaıyna basty, naızaǵaı qazaq sol sátte kóz jasyn jasyrmady»,- dep jaýap bergen edi.
Aman aǵa eshkimge esep bermeıtin óziniń keńistigine rýh bolyp ushyp ketti. Táni Reseıde bolǵanmen rýhynyń qazaq jerine ushyr kelgenine men senemin. Perishte nuryńyz shalqysyn, Jaqsy aǵa. Sizdeı adammen bir zamanda ómir súrgenimdi, tildesip, batasyn alǵanymdy sońǵy demim bitkenshe umytpaımyn.
Gulbarshyn Sabaeva
