رەسەيدە تۇتىنۋشىلاردى قاداعالاۋ ورگانى ەل ىشىندە كوروناۆيرۋستىڭ جاڭا شتامى تاراپ جاتقانىن مالىمدەدى، دەپ حابارلايدى "ادىرنا" ءتىلشىسى قازاقپاراتقا سىلتەپ.
XES شتامىنىڭ بەلگىلەرى بۇرىنعىعا ۇقساس ەكەنى انىقتالدى.
"العاش رەت 2024 جىلدىڭ ماۋسىمىندا گەرمانيادا تابىلعان COVID-19 — XEC جاڭا نۇسقاسى FLiRT وميكرونىنىڭ بۇرىنعى سۋبۆاريانتتارىمەن — KS.1.1 جانە KP.3.3 ۇقساستىقتارى بار", - دەپ حابارلادى روسپوترەبنادزوردىڭ ءباسپاسوز قىزمەتى.
كوروناۆيرۋستىڭ جاڭا نۇسقاسى بۇرىنعىلارى سياقتى تەز تارالىپ جاتقانى حابارلاندى. دارىگەرلەر اۋرۋدى جۇقتىرعاندارداردىڭ كوبىنەسە ءيىس پەن تابەتتىڭ جوعالۋى، باس اۋرۋى، السىزدىك، جوتەل، تاماق اۋرۋى، قىزبا جانە مۇرىننىڭ اعۋى سياقتى بەلگىلەردىڭ بولاتىنىن ايتادى.
