ماڭعىستاۋ وبلىسىندا ايەل ادام تۇرعىنداردى 3 ملرد تەڭگەگە الداپ كەتكەن، دەپ حابارلايدى "ادىرنا" ءتىلشىسى mangystaumedia.kz-كە سىلتەپ.
ماڭعىستاۋ وبلىستىق پوليتسيا بولىمشەسىنە 250-گە جۋىق ارىز تۇسكەن. تۇرعىندار ارباۋ جولىمەن ەلدىڭ اقشاسىن جيناپ العان ايەلگە شاعىمدانعان.
نۇرگۇل ەسىمدى كەلىنشەك كوپشىلىككە قىتايدان تومەن باعامەن ىدىس-اياقتار جەتكىزىپ بەرۋگە ۋادە بەرگەن. الايدا ءبارىنىڭ اقشاسىن الىپ، قىز-كەلىنشەكتەردى سازعا وتىرعىزعان.
ول ءوز جوسپارىن جۇزەگە اسىرۋ ماقساتىندا Whatsapp جەلىسىندە توپ اشىپ، قىتايدان تومەن باعادان ىدىس-اياق جەتكىزەتىنىن ايتقان. كەلتىرىلگەن ماتەريالدىق شىعىن كولەمى 3 ملرد تەڭگەنى قۇرايدى.
"بۇل دەرەك بويىنشا قىلمىستىق كودەكستىڭ 190-بابى 4-بولىگىنىڭ "اسا ءىرى مولشەردەگى الاياقتىق" بويىنشا سوتقا دەيىنگى تەرگەپ-تەكسەرۋدىڭ بىرىڭعاي تىزىلىمىندە تىركەلدى. قازىر 39 جاستاعى ايەل قاماۋدا الىنىپ، تەرگەۋ جۇرگىزىلىپ جاتىر", - دەدى ماڭعىستاۋ وبلىسى پوليتسيا دەپارتامەنتىنىڭ ءباسپاسوز قىزمەتى.
