استانادا قاتتى جەلدىڭ سالدارىنان ساۋدا ورتالىعىگىڭ قورشاۋى ۇشىپ كەتتى، دەپ حابارلايدى «ادىرنا» ۇلتتىق پورتالى.
بۇل تۋرالى استانا قالاسى ەسىل اۋدانىنىڭ ءباسپاسوز قىزمەتى حابارلادى.
قاتتى جەلدەن ۇشقان قورشاۋ ءبىر ايەلدىڭ ۇستىنە قۇلاعان. قازىر تۇرعىن №2 قالالىق كوپسالالى اۋرۋحاناعا جەتكىزىلگەن.
اۋدان اكىمدىگىنىڭ ءباسپاسوز قىزمەتى باننەردى Mega SilkWay ساۋدا ورتالىعى ورناتقانىن حابارلادى.
قاتتى جەل سالدارىنان باننەر مەن ونىڭ پلاستيكالىق جاقتاۋى ۇشىپ كەتكەن. ناتيجەسىندە 1954 جىلى تۋعان ازامات جاراقات الدى، ونىڭ كەۋدە جانە شىنتاق بۋىندارى كوگەرگەن. تۇرعىن №2 قالالىق كوپسالالى اۋرۋحاناعا جەتكىزىلدى. قازىرگى ۋاقىتتا قورشاۋعا ىلىنگەن باننەرلەر كەسىلىپ، الىنىپ تاستالدى، ويتكەنى ولار ءىسىنىپ، قورشاۋدى قۇلاتقان، - دەپ جازىلعان ۆەدومستۆودا.
