تۇڭعىش پرەزيدەنت نۇرسۇلتان نازارباەۆ قازاقستاندىقتارعا ءىنىسىنىڭ قايتىس بولۋىنا وراي ايتىلعان جىلى سوزدەرى مەن شىنايى تىلەكتەرىنە ريزاشىلىعىن ءبىلدىرىپ ۇندەۋ جاريالادى، دەپ حابارلايدى «ادىرنا» ءتىلشىسى.
ۇندەۋ نازارباەۆتىڭ دەربەس سايتىندا جارىق كورگەن.
ۇندەۋىندە ەكس-پرەزيدەنت اۋىر ساتتە حالىقتىڭ كورسەتكەن قولداۋى كۇش-قۋات بەرگەنىن اتاپ ءوتتى.
«جاقىن ادامنان ايىرىلۋ —ورنى تولماس قاسىرەت. ول ۇزاق جىلدار بويى اۋىردى، بىراق بىزگە ەشقاشان قينالعانىن بىلدىرتپەدى.
سوڭعى كۇندەرى بىرقاتار ەلدىڭ باسشىلارىنان كوڭىل ايتۋ جەدەلحاتتارىن الىپ جاتىرمىن. سونداي-اق، ماعان ەلىمىزدىڭ ساياسي جانە قوعام قايراتكەرلەرىنەن، دەپۋتتاتار مەن ديپلوماتتاردان، ءدىني قىزمەتكەرلەر مەن بيزنەس قوعامداستىق وكىلدەرىنەن، سونداي-اق كوپتەگەن قازاقستاندىقتاردان حاتتار كەلىپ ءتۇستى.
قايعىمدى ءبولىسىپ، قولداۋ بىلدىرگەن بارلىق جانعا العىسىمدى ايتامىن.
شىنايى نيەتتەرىڭىزگە كوپ راحمەت»،—دەدى ەكس-باسشى.
