اقش پەن قىتاي اسكەري قاتىناستى قالپىنا كەلتىرۋگە كەلىستى

1169
Adyrna.kz Telegram
سۋرەت: rbk.ru
سۋرەت: rbk.ru

اقش پرەزيدەنتى دجو بايدەن مەن قىتاي توراعاسى سي تسزينپين سان-فرانتسيسكو ماڭىنداعى فيلولي رەزيدەنتسياسىندا ءتورت ساعاتتىق كەلىسسوز جۇرگىزدى، دەپ حابارلايدى «ادىرنا» ءتىلشىسى.

كەزدەسۋ بارىسىندا ليدەرلەر ەكى دەرجاۆا اراسىنداعى اسكەري بايلانىستاردى قايتا قالپىنا كەلتىرۋگە كەلىستى. بۇل بايلانىس وتكەن جىلى كونگرەستىڭ وكىلدەر پالاتاسىنىڭ سپيكەرى تايۆانعا بارعاننان كەيىن ۇزىلگەن ەدى.

بۇدان بولەك تاراپتار زاڭسىز ەسىرتكى ءوندىرىسى مەن اينالىمىنا، ونىڭ ىشىندە فەنتانيل سياقتى سينتەتيكالىق ەسىرتكىگە قارسى كۇرەستە ىنتىماقتاستىقتى قالپىنا كەلتىرۋگە ۋاعدالاستى. وسى ماقساتتا اقش پەن قىتاي قۇقىق قورعاۋ ورگاندارىنىڭ ارەكەتىن ۇيلەستىرەتىن جۇمىس توبى قۇرىلماق.

پىكىرلەر