الەمگە ايگىلى Naton مەديتسينالىق كومپانياسى قازاقستاندا وكىلدىك اشۋدى جوسپارلاپ وتىر. ورنالاسۋ مۇمكىندىگى رەتىندە الماتى يندۋستريالدى ايماعى كوزدەلىپ وتىر، تاراپتار اراسىندا ءتيىستى كەلىسسوزدەر جۇرگىزىلدى.
ءتيىمدى ىنتىماقتاستىق مۇمكىندىكتەرىن ۇسىنا وتىرىپ، «الماتى – يندۋستريالدى ايماعى» جشس ديرەكتورى الىشەر ساتىبالديەۆ دايىن ينجەنەرلىك ينفراقۇرىلىمىمەن بوس جەر ۋچاسكەلەرىنىڭ بارى، ينۆەستورلاردى مەملەكەتتىك دەڭگەيدە سۇيەمەلدەۋ جانە قولداۋ، الماتىنىڭ ەۋرازيالىق كونتينەنتتىڭ ترانزيتتىك جولدارىنىڭ قيىلىسىندا قولايلى گەوگرافيالىق ورنالاسۋى تۋرالى ايتتى.
Naton كومپانياسىنىڭ توبى 18 جوعارى تەحنولوگيالىق كاسىپورىنداردى قامتيدى، ونىڭ 2 كاسىپورنى گەرمانيادا جانە 2 كاسىپورنى فينليانديادا. برەند ورتوپەديا (جامباس، تىزە بۋىنى، ومىرتقا ءۇشىن), تراۆماتولوگيا، ستوماتولوگيا جانە سپورت مەديتسيناسى سالاسىنداعى مەديتسينالىق يمپلانتاتتارىمەن كەڭىنەن تانىمال.
باس كەڭسە پەكيننىڭ سولتۇستىك-باتىس بولىگىندە چجۋنگۋانتسۋن يننوۆاتسيالىق پاركىندە ورنالاسقان. كومپانيا ءونىمى الەمنىڭ 130 ەلىندە ساتىلادى، سونداي-اق عىلىمي ورتادا، مىسالى، ستەنفورد ۋنيۆەرسيتەتىندە جانە گارۆارد مەديتسينا مەكتەبىنىڭ جانىنداعى ماسساچۋسەت جالپى اۋرۋحاناسىندا بەلسەندى تۇردە پايدالانىلادى. ساتۋدان تۇسكەن تابىستىڭ جىل سايىنعى ءوسىمى سوڭعى ون جىل ىشىندە 29%-عا جەتتى، 2019 جىلى كومپانيانىڭ پايداسى $1,6 ملرد. دوللاردى قۇرادى.
بۇگىندە، Naton ونەركاسىپ، عىلىمي ورتالار، زەرتتەۋلەر جانە قولدانبالى باعدارلامالار ءۇشىن بىرىكتىرىلگەن يننوۆاتسيالىق پلاتفورما بولىپ تابىلادى. Naton عىلىمي-زەرتتەۋ ورتالىعى – ورتوپەديالىق زەرتتەۋلەر مەن حالىقارالىق ستاندارتتاعى ازىرلەمەلەرگە ارنالعان قىتايداعى العاشقى پراكتيكالىق الاڭ، وندا 700-دەن استام عىلىمي-زەرتتەۋ جوبالارى ىسكە اسىرىلدى. جالپى العاندا، كومپانيانىڭ بارلىعى 541 پاتەنتى بار جانە بيورەزوربتسيالاناتىن پوليلاكتيكالىق قىشقىل ازىرلەۋدە الەمدىك كوشباسشىلىققا يە بولىپ وتىر.
Naton مەديتسينالىق كومپانياسى الماتى يندۋستريالدى ايماعىندا زاۋىت قۇرىلىسىن باستاماق
16.11.2023
1257
پىكىرلەر
باسقا ماتەريالدار
Adyrna.kz ұлттық порталының маңызды ақпараттарына жазылу
Соңғы жаңалықтар туралы хабардар болыңыз