الماتى وبلىسىنىڭ پروكۋرورلارى جۇرگىزگەن تالداۋدا كامەلەتكە تولماعانداردىڭ (وقۋشىلاردىڭ) ءبىلىم بەرۋ مەكەمەسىنىڭ قابىرعاسىندا (425 مەكتەپتەردە، ينفورماتيكا كابينەتتەرىندە) قالاۋىنسىز/تىيىم سالىنعان ينتەرنەت كونتەنتتەرگە ەركىن قول جەتكىزۋ فاكتىلەرى انىقتالدى، دەپ حابارلايدى «ادىرنا» ۇلتتىق پورتالى.
پروكۋراتۋرانىڭ ءباسپاسوز قىزمەتىنىڭ مالىمەتىنشە, مونيتورينگ بارىسىندا كامەلەتكە تولماعانداردىڭ ءوز-وزىنە قول جۇمساۋ جانە پورنوگرافيالىق سيپاتتاعى ءارتۇرلى سايتتارعا بارۋى انىقتالعان.
- بۇگىنگى كۇنى وبلىستىڭ بارلىق ءبىلىم بەرۋ مەكەمەلەرىندە پروكۋرورلىق دەن قويۋ اكتىسىمەن وسىنداي سايتتارعا ينتەرنەتكە قول جەتكىزۋدى شەكتەگىشتەر ورناتىلدى.سونىمەن قاتار، پروكۋرورلاردىڭ تالاپ – ارىزى بويىنشا كورسەتىلگەن ينتەرنەت-رەسۋرستاردى (سانى-8) سوتتار زاڭسىز دەپ تانىدى، ولاردىڭ تارالۋى بۇكىل ەل بويىنشا شەكتەلگەن، - دەلىنگەن حابارلامادا.
وسىلايشا، بۇزۋشىلىققا جول بەرگەنى ءۇشىن 48 قىزمەتكەر تارتىپتىك جاۋاپكەرشىلىككە تارتىلدى.
«ادىرنا» ۇلتتىق پورتالى