Almaty oblysynyń prokýrorlary júrgizgen taldaýda kámeletke tolmaǵandardyń (oqýshylardyń) bilim berý mekemesiniń qabyrǵasynda (425 mektepterde, ınformatıka kabınetterinde) qalaýynsyz/tyıym salynǵan ınternet kontentterge erkin qol jetkizý faktileri anyqtaldy, dep habarlaıdy «Adyrna» ulttyq portaly.
Prokýratýranyń baspasóz qyzmetiniń málimetinshe, monıtorıng barysynda kámeletke tolmaǵandardyń óz-ózine qol jumsaý jáne pornografııalyq sıpattaǵy ártúrli saıttarǵa barýy anyqtalǵan.
- Búgingi kúni oblystyń barlyq bilim berý mekemelerinde prokýrorlyq den qoıý aktisimen osyndaı saıttarǵa ınternetke qol jetkizýdi shektegishter ornatyldy.Sonymen qatar, prokýrorlardyń talap – aryzy boıynsha kórsetilgen ınternet-resýrstardy (sany-8) sottar zańsyz dep tanydy, olardyń taralýy búkil el boıynsha shektelgen, - delingen habarlamada.
Osylaısha, buzýshylyqqa jol bergeni úshin 48 qyzmetker tártiptik jaýapkershilikke tartyldy.
«Adyrna» ulttyq portaly