گازا سەكتورىنداعى قازاقستاندىقتاردى ەۆاكۋاتسيالاۋ باستالدى. بۇل تۋرالى قر سىرتقى ىستەر مينيسترلىگىنىڭ رەسمي وكىلى ايبەك سمادياروۆ مالىمدەدى، دەپ حابارلايدى “ادىرنا” ۇلتتىق پورتالى.
اقپاراتقا سايكەس، بۇگىندە «رافاك» وتكىزۋ بەكەتىنەن بارلىعى 596 ادامدى شىعارۋ جوسپارلانىپ وتىر.
سونىمەن قاتار 11 قاراشادا ءسىم باسشىسى مۇرات نۇرتىلەۋ اراب مەملەكەتتەرىنىڭ ليگاسى جانە يسلام ىنتىماقتاستىعى ۇيىمىنىڭ پالەستينا ماسەلەسى بويىنشا كەزەكتەن تىس بىرلەسكەن سامميتىنە قاتىستى. كەزدەسۋدە وتانداستارىمىزدىڭ گازا سەكتورىنان قاۋىپسىز جانە تەزىرەك شىعۋ ماسەلەسىن تالقىلاندى. وسى كەلىسسوزدەردىڭ، سونداي-اق قازاقستاننىڭ مىسىرداعى، يوردانياداعى، يزرايلدەگى ەلشىلىكتەرىنىڭ ناقتى ءىس-قيمىلدارى ارقاسىندا بۇگىن ءبىزدىڭ وتانداستارىمىزدى گازا سەكتورىنان ەۆاكۋاتسيالاۋ باستالدى. بۇگىن 13 قاراشادا 44 ازاماتتان تۇراتىن ءبىرىنشى توپتى ەۆاكۋاتسيالاۋ جوسپارلانعان، - دەدى ايبەك سمادياروۆ بريفينگتە.
بۇل توپقا قازاقستاننىڭ 40 ازاماتى جانە ولاردىڭ 4 شەتەلدىك وتباسى مۇشەلەرى كىرەدى.
ءبىزدىڭ ەلدەن باسقا ەۆاكۋاتسيا جاساپ جاتقان 9 ەلدىڭ وكىلى بار. ولار: موروككو، يوردانيا، رەسەي، يسپانيا، شۆەتسيا، پەرۋ، نيدەرلاندى، ۇلىبريتانيا، اقش. رافاح بەكەتىنەن بارلىعى 594 ادامنىڭ ءوتۋى جوسپارلانعان. ەۆاكۋاتسيا گازا سەكتورى مەن مىسىر اراسىندا ورنالاسقان رافاح باقىلاۋ-وتكىزۋ ءپۋنتى ارقىلى جۇزەگە اسىرىلادى، - دەدى ول.
سمادياروۆتىڭ ايتۋىنشا، وتكىزۋ پۋنكتىنەن وتكەننەن كەيىن قازاقستاندىقتار كايرگە اۆتوكولىكپەن جەتكىزىلىپ، قوناقۇيگە ورنالاستىرىلادى. سودان كەيىن قازاقستانعا جەتكىزىلەدى.
قازىرگى تاڭدا قازاقستاندىق ديپلوماتتار كايردەن رافاح پۋنكتىنە جولعا شىعىپ، 1 ساعاتتىڭ ىشىندە سول جەرگە جەتۋى كەرەك. جەتكەننەن كەيىن سول جەردە مىسىر، پالەستينا گازا سەكتورى بيلىكتەرىمەن بىرلەسىپ، تىزىمدەردى قايتا تەكسەرىپ، 44 ازاماتتى گازا سەكتورىنان شىعارىپ الۋعا بارلىق ارەكەتتى جاسايدى. بۇگىن كۇن باتقانشا وسى ءىس بىتەدى دەپ جوسپارلاپ وتىرمىز، - دەپ ءتۇسىندىردى ءسىم رەسمي وكىلى.
قازاقستاننان باسقا ماروككو، يوردانيا، رەسەي، يسپانيا، شۆەتسيا، پەرۋ، نيدەرلاندى، ۇلىبريتانيا جانە اقش ازاماتتارىن ەۆاكۋاتسيالاپ جاتىر.
