Gaza sektoryndaǵy qazaqstandyqtardy evakýaııalaý bastaldy. Bul týraly QR Syrtqy ister mınıstrliginiń resmı ókili Aıbek Smadııarov málimdedi, dep habarlaıdy “Adyrna” ulttyq portaly.
Aqparatqa sáıkes, búginde «Rafak» ótkizý beketinen barlyǵy 596 adamdy shyǵarý josparlanyp otyr.
Sonymen qatar 11 qarashada SIM basshysy Murat Nurtileý Arab memleketteriniń lıgasy jáne Islam yntymaqtastyǵy uıymynyń Palestına máselesi boıynsha kezekten tys birlesken sammıtine qatysty. Kezdesýde otandastarymyzdyń Gaza sektorynan qaýipsiz jáne tezirek shyǵý máselesin talqylandy. Osy kelissózderdiń, sondaı-aq Qazaqstannyń Mysyrdaǵy, Iordanııadaǵy, Izraıldegi elshilikteriniń naqty is-qımyldary arqasynda búgin bizdiń otandastarymyzdy Gaza sektorynan evakýaııalaý bastaldy. Búgin 13 qarashada 44 azamattan turatyn birinshi topty evakýaııalaý josparlanǵan, - dedi Aıbek Smadııarov brıfıngte.
Bul topqa Qazaqstannyń 40 azamaty jáne olardyń 4 sheteldik otbasy músheleri kiredi.
Bizdiń elden basqa evakýaııa jasap jatqan 9 eldiń ókili bar. Olar: Morokko, Iordanııa, Reseı, Ispanııa, Shveııa, Perý, Nıderlandy, Ulybrıtanııa, AQSh. Rafah beketinen barlyǵy 594 adamnyń ótýi josparlanǵan. Evakýaııa Gaza sektory men Mysyr arasynda ornalasqan Rafah baqylaý-ótkizý pýnti arqyly júzege asyrylady, - dedi ol.
Smadııarovtyń aıtýynsha, ótkizý pýnktinen ótkennen keıin qazaqstandyqtar Kaırge avtokólikpen jetkizilip, qonaqúıge ornalastyrylady. Sodan keıin Qazaqstanǵa jetkiziledi.
Qazirgi tańda qazaqstandyq dıplomattar Kaırden Rafah pýnktine jolǵa shyǵyp, 1 saǵattyń ishinde sol jerge jetýi kerek. Jetkennen keıin sol jerde Mysyr, Palestına Gaza sektory bılikterimen birlesip, tizimderdi qaıta tekserip, 44 azamatty Gaza sektorynan shyǵaryp alýǵa barlyq áreketti jasaıdy. Búgin kún batqansha osy is bitedi dep josparlap otyrmyz, - dep túsindirdi SIM resmı ókili.
Qazaqstannan basqa Marokko, Iordanııa, Reseı, Ispanııa, Shveııa, Perý, Nıderlandy, Ulybrıtanııa jáne AQSh azamattaryn evakýaııalap jatyr.
