Gaza sektoryndaǧy qazaqstandyqtardy evakuasiialau bastaldy. Būl turaly QR Syrtqy ıster ministrlıgınıŋ resmi ökılı Aibek Smadiiarov mälımdedı, dep habarlaidy “Adyrna” ūlttyq portaly.
Aqparatqa säikes, bügınde «Rafak» ötkızu beketınen barlyǧy 596 adamdy şyǧaru josparlanyp otyr.
Sonymen qatar 11 qaraşada SIM basşysy Mūrat Nūrtıleu Arab memleketterınıŋ ligasy jäne İslam yntymaqtastyǧy ūiymynyŋ Palestina mäselesı boiynşa kezekten tys bırlesken sammitıne qatysty. Kezdesude otandastarymyzdyŋ Gaza sektorynan qauıpsız jäne tezırek şyǧu mäselesın talqylandy. Osy kelıssözderdıŋ, sondai-aq Qazaqstannyŋ Mysyrdaǧy, Iordaniiadaǧy, İzraildegı elşılıkterınıŋ naqty ıs-qimyldary arqasynda bügın bızdıŋ otandastarymyzdy Gaza sektorynan evakuasiialau bastaldy. Bügın 13 qaraşada 44 azamattan tūratyn bırınşı topty evakuasiialau josparlanǧan, - dedı Aibek Smadiiarov brifingte.Būl topqa Qazaqstannyŋ 40 azamaty jäne olardyŋ 4 şeteldık otbasy müşelerı kıredı.
Bızdıŋ elden basqa evakuasiia jasap jatqan 9 eldıŋ ökılı bar. Olar: Morokko, Iordaniia, Resei, İspaniia, Şvesiia, Peru, Niderlandy, Ūlybritaniia, AQŞ. Rafah beketınen barlyǧy 594 adamnyŋ ötuı josparlanǧan. Evakuasiia Gaza sektory men Mysyr arasynda ornalasqan Rafah baqylau-ötkızu puntı arqyly jüzege asyrylady, - dedı ol.Smadiiarovtyŋ aituynşa, ötkızu punktınen ötkennen keiın qazaqstandyqtar Kairge avtokölıkpen jetkızılıp, qonaqüige ornalastyrylady. Sodan keiın Qazaqstanǧa jetkızıledı.
Qazırgı taŋda qazaqstandyq diplomattar Kairden Rafah punktıne jolǧa şyǧyp, 1 saǧattyŋ ışınde sol jerge jetuı kerek. Jetkennen keiın sol jerde Mysyr, Palestina Gaza sektory bilıkterımen bırlesıp, tızımderdı qaita tekserıp, 44 azamatty Gaza sektorynan şyǧaryp aluǧa barlyq ärekettı jasaidy. Bügın kün batqanşa osy ıs bıtedı dep josparlap otyrmyz, - dep tüsındırdı SIM resmi ökılı.Qazaqstannan basqa Marokko, İordaniia, Resei, İspaniia, Şvesiia, Peru, Niderlandy, Ūlybritaniia jäne AQŞ azamattaryn evakuasiialap jatyr.
Ūqsas jaŋalyqtar
