نازارباەۆ يمپورتتالاتىن تاۋارلارعا تالداۋ جاساۋ كەرەكتىگىن ايتتى.
"جاقىندا مەن بۇل جايلى ويلاندىم، ءسويتىپ قازاقستاندىق قۇرىلىمدى قاراپ شىقتىم. ينفلياتسيانىڭ 50 پروتسەنتى وسى تاۋارلاردىڭ يمپورتىنان كەلىپ وتىر. ال ەگەر يمپورتتالاتىن تاۋارلارعا زەر سالساق، مۇنىڭ ءبارىن وزىمىزدە وندىرۋگە بولادى. ماسەلەن، حالىق تۇتىناتىن تاۋارلار: تۋفلي، شۇلىق، كوستيۋم، جەيدە، ءتىپتى ازىق-تۇلىكتىڭ ءوزىن شەتەلدەن تاسيمىز. ءسۇت، ەت ونىمدەرىن يمپورتتايمىز. بىراق، بىلاي قاراساق، وسىنىڭ بارلىعى وزىمىزدە وندىرىلەدى عوي. نەگە ەندى ءوز ەلىمىزدە شىعارماسقا؟!", - دەدى ەلباسى جوعارى ەۋرازيالىق ەكونوميكالىق كەڭەستىڭ مەرەيتويلىق سامميتىندە.
ول ەاەو ەلدەرىندە قانداي تۇتىنۋ تاۋارلارى شىعارىلاتىنىنا تالداۋ جاسايتىن كوميسسيا قۇرۋ قاجەتتىگىن اتاپ ءوتتى.
"مىسالى، ءسۇت بەلارۋستە، رەسەيدە، بيداي قازاقستاندا وندىرىلەدى دەگەندەي. اسكەريلەرگە ارنالعان كيىمنىڭ ءوزىن يمپورتتايمىز. ۇيات", - دەدى نازارباەۆ.
