قازاقستاندىق باق-قا شابۋىل ۇيىمداستىرىپ، سوتتا ەسى دۇرىس ەمەس دەپ تانىلعان وليگارح الەكساندر كلەبانوۆتىڭ تۋىسى اركادي كلەبانوۆ كادىمگى پسيحياتريالىق اۋرۋحانادا بولادى، دەپ حابارلايدى «ادىرنا» ۇلتتىق پورتالى قازتاگ-قا سىلتەمە جاساپ.
«الماتى قالاسىنىڭ كامەلەتكە تولماعانداردىڭ ىستەرى جونىندەگى مامانداندىرىلعان اۋدانارالىق سوتىنىڭ 1 قاراشاداعى شەشىمىمەن كلەبانوۆقا جالپى پسيحياتريالىق ستاتسيوناردا ماجبۇرلەپ ەمدەۋ تۇرىندەگى مەديتسينالىق سيپاتتاعى ەمدەۋ شارالارى قولدانىلدى. قازاقستان رەسپۋبليكاسى قىلمىستىق كودەكسىنىڭ 95-بابىنىڭ 2-بولىگىنە سايكەس، پسيحيكالىق جاي-كۇيىنە جانە قوعامعا قاۋىپتى ءىس-ارەكەت جاساۋ سيپاتىنا بايلانىستى ستاتسيونارلىق ەمدەلۋدى قاجەت ەتەتىن ادامعا جالپى پسيحياتريالىق ستاتسيوناردا ءماجبۇرلى ەمدەۋ جانە باقىلاۋ شارالارى تاعايىندالۋى مۇمكىن، بىراق قارقىندى باقىلاۋدى قاجەت ەتپەيدى»، - دەپ جاۋاپ بەردى باس پروكۋراتۋرا قازتاگ رەداكتسياسىنىڭ ساۋالىنا.
ەستەرىڭىزگە سالا كەتەيىك، 4 ناۋرىز كۇنى ىشكى ىستەر مينيسترلىگى كلەبانوۆتىڭ قاماۋعا الىنعانىن جاريالاعان بولاتىن. شابۋىلدى ۇيىمداستىرۋشىلار بىرقاتار باسىلىمداردىڭ رەداكتسياسىن ورتەپ، Ulysmedia سايتىنىڭ باس رەداكتورى سامال يبراەۆاعا قوقان-لوققى كورسەتۋگە دايىندالىپ جاتقان. ونىڭ ايتۋىنشا، جالپى جوسپارلانعان شارالاردىڭ كەيبىرى بۇرمالانعان جانە ساديستىك سيپاتتا بولعان.
«ادىرنا» ۇلتتىق پورتالى