الماتى اۋەجايىندا قىز بالانى كەپىلگە العان ادامنىڭ قولىنان قۇتقارىپ العان ەر ادام كاسىبي سپورتشى، ءارى «جىگىتتەر» توبىنىڭ پروديۋسەرى ەرعالي ءابدىرايىمنىڭ ءىنىسى، ءانشى باعلان ءابدىرايىموۆتىڭ اعاسى ەكەنى بەلگىلى بولدى. بۇل تۋرالى ءانشىنىڭ ءوزى Instagram پاراقشاسىندا جازدى، دەپ حابارلايدى “ادىرنا” ۇلتتىق پورتالى.
«ابدرايموۆ مۇسا سايرامبايۇلى. 1973 جىلى، تۇلكىباس اۋدانى، كۇمىسباستاۋ اۋىلىندا دۇنيەگە كەلگەن. 9 بالانىڭ كەنجەسى. كاسىبي سپورتپەن شۇعىلدانعان. قازىرگى تاڭدا 5 بالاسى بار، ارداقتى اكە. بۇگىنگى ەرلىگى راس ەل شۋلاپ جاتىر. نامىستى جىگىگىتتىڭ ءبارى سونداي باتىلدىق جاسار ەدى…
ەشكىم باتىر بولامىن، قاھارمان بولامىن دەپ جوسپارمەن جۇرمەسى انىق. دەر كەزىندە دۇرىس شەشىم قابىلداپ، ءومىرىڭىزدى تاپسىرا سالعانىڭىز ەرلىك!
بۇلاي باتىر بولارىن بىلگەندە تاڭدا ءبىزدى شىعارىپ سالعاندا سۋرەتكە ءتۇسىپ الار ەدىك. 9:25 تە قوستانايعا ۇشقاندا كورگەنبىز، اماناتىن اپ كەتكەنبىز. مەملەكەتتىك ماراپاتقا دا ۇسىنىپ ۇلگەرىپتى. بالا-شاعانىڭ نەسىبىسىنە تاۋسىلماسىن”، دەپ جازدى ءانشى.
