«ارسەلورميتتال تەمىرتاۋ» كومپانياسى كوستەنكو اتىنداعى شاحتادا قازا تاپقان كەنشىلەردىڭ وتباسىنا ون جىلدىق جالاقى تولەدى، دەپ حابارلايدى «ادىرنا» ۇلتتىق پورتالى.
قاراعاندى وبلىسىنىڭ اكىمى ەرماعانبەت بولەكپاەۆ بريفينگتە قازا بولعانداردىڭ وتباسىنا كورسەتىلگەن ماتەريالدىق كومەك تۋرالى ايتتى.
«ارسەلورميتتال تەمىرتاۋ» كومپانياسى 41 وتباسىعا 10 جىلدىق جالاقى تولەدى. قازا بولعان شاحتەرلەردىڭ، ولاردىڭ جۇبايلارىنىڭ، اتا-انالارى مەن بالالارىنىڭ نەسيەلەرى وتەلدى. سونداي-اق، كومپانيا ءاربىر وتباسىنا كەمىندە 18 شارشى مەتر پاتەر ساتىپ الۋعا مىندەتتەنەدى. ساقتاندىرۋ تولەمدەرى، جوو-دا 23 جاسقا دەيىنگى بالالاردىڭ وقۋ اقىسى قاراشادا وقۋ مەرزىمىنە تولەنە باستايدى»، - دەدى ەرماعانبەت بولەكپاەۆ.
اكىمنىڭ سوزىنشە، قازا بولعان كەنشىلەردىڭ وتباسىلارىنا مەملەكەت تاراپىنان دا قارجىلاي قولداۋ كورسەتىلگەنىن اتاپ ءوتتى. 46 وتباسى بجزق-دان جەرلەۋگە ارنالعان ءبىر رەتتىك تولەمگە قۇجات السا، بۇگىنگى كۇنى 42-ءسى تولەندى، قالعاندارى تولەم الىپ جاتىر.
«رەسپۋبليكالىق بيۋدجەتتەن كامەلەتكە تولماعان بالالارى مەن جوعارى وقۋ ورىندارىندا وقيتىن بالالارى بار 20 وتباسىنا اسىراۋشىسىنان ايىرىلۋ جاعدايى بويىنشا مەملەكەتتىك الەۋمەتتىك جاردەماقى تاعايىندالدى. سونىمەن قاتار، قازا تاپقان كەنشىلەردىڭ وتباسىلارىنا باسقا دا قولداۋلار كورسەتىلەدى»، - دەدى اكىم.
«ادىرنا» ۇلتتىق پورتالى
