"قىرعىزستان" پارلامەنتتىك فراكتسياسىنىڭ وكىلدەرى كوروناۆيرۋسپەن كۇرەس شارالارىن قولداۋ ءۇشىن ەكى ايلىق جالاقىدان باس تارتتى. بۇل تۋرالى فراكتسيا مۇشەسى كانات يساەۆ 15 ءساۋىر كۇنگى پارلامەنت وتىرىسىندا ايتتى، دەپ جازادى baq.kz.
ونىڭ سوزىنە قاراعاندا "كوپتەگەن قىرعىز ازاماتتارى جۇمىسىنان ايرىلىپ، كوپتەگەن ادامدار كوروناۆيرۋس ينفەكتسياسىمەن كۇرەسۋ ءۇشىن كۇش جۇمىلدىرىپ جاتقان كەزدە" دەپۋتاتتار تاسادا قالماۋى ءتيىس.
"فراكتسيامىز ءساۋىر جانە مامىر ايىنىڭ جالاقىسىنان باس تارتۋ تۋرالى شەشىم قابىلدادى. وزگە فراكتسيالاردى دا باستامانى قولداۋعا شاقىرامىز. ۇنەمدەلگەن قارجىنى مەديتسينا جانە قۇقىق قورعاۋ ورگان قىزمەتكەرلەرىنە سىياقى رەتىندە بەرۋگە بولادى. ءبىز سونىمەن بىرگە ۇكىمەتتى مينيسترلىكتەر مەن ۆەدومستۆولار، ايماقتاعى وكىلدىكتەر، اكىمدىكتەر، ەلشىلىكتەر جانە تاعى دا باسقا ورگاندارعا جۇمسالاتىن شىعىنعى ازايتۋعا شاقىرامىز" دەدى دەپۋتات.
جوگوركۋ كەنەش سايتىنداعى اقپاراتقا سايكەس، "قىرعىزستان" پارلامەنتتىك فراكتسياسىنىڭ قۇرامىندا 18 دەپۋتات بار.
15 ءساۋىر كۇنگى مالىمەت بويىنشا، قىرعىزستاندا 449 ادامنان كوروناۆيرۋس تابىلعان، بەس ادام قايتىس بولعان. بىشكەكتە - 82, وش قالاسىندا - 71, وش وبلىسىندا - 130, جالالاباد وبلىسىندا 93 ادامعا ۆيرۋس جۇققان.
