اتىراۋدىڭ بۇرىنعى اكىمى قايرات ورازباەۆ ۇستالدى. بۇل تۋرالى وبلىستىق پروكۋراتۋرا ايتتى، دەپ حابارلايدى «ادىرنا» ءتىلشىسى.
باسقارمانىڭ مالىمدەۋىنشە،
اتىراۋ اكىمدىگىنىڭ لاۋازىمدى تۇلعالارىنا قاتىستى قالاداعى جەر تەلىمدەرىن زاڭسىز ءبولۋ دەرەگى بويىنشا سوتالدى تەرگەۋ ءجۇرىپ جاتىر.
«اتالعان قىلمىستىق ءىس اياسىندا 9 قاراشادا اتىراۋ قالاسىنىڭ ەكس-اكىمى ق.ق.ورازباەۆ قاماۋعا الىندى. قر قىلمىستىق-پروتسەستىك كودەكسىنىڭ 201-بابىنىڭ تالاپتارىنا بايلانىستى وزگە مالىمەتتەر جاريا ەتىلمەيدى»،—دەلىنگەن حابارلامادا.
ەسكە سالايىق، قايرات ورازباەۆ 2020-2022 جىلدارى اكىم بولىپ جۇمىس ىستەگەن ەدى.
