Bostandyqqa şyqqan Kentau qalasynyŋ būrynǧy äkımı Däuren Maqajanov qaitadan koloniiaǧa jıberıldı. Oǧan jazanyŋ ötelmegen bölıgın neǧūrlym jeŋıl jaza türıne auystyru boiynşa apelliasiiadan bas tartyldy. Būl turaly Almaty oblysy sottary Facebook paraqşasynda jazdy, dep habarlaidy “Adyrna” ūlttyq portaly.
Mälımetke süiensek, bügınde Maqajanov jazasyn odan ärı öteu üşın IIM qylmystyq-atqaru jüiesı komitetınıŋ "№64 mekemesıne" jetkızılgen. Sondai-aq vedomstvonyŋ habarlauynşa, būǧan deiın Qonaev qalalyq soty Maqajanovqa qatysty jazanyŋ ötelmegen bölıgın neǧūrlym jeŋıl jaza türıne auystyru turaly qauly şyǧarǧan bolatyn. Alaida Almaty oblystyq soty būl qaulynyŋ küşın joidy.
Däuren Maqajanovtyŋ ısı Kentau äkımı 2022 jyldyŋ aqpanynda ūstaldy. Ol özınıŋ senımdı adamdary arqyly memlekettık-jekemenşık şart aiasynda avtojoldardy jöndeumen ainalysatyn JŞS direktorynan 98,5 myŋ AQŞ dollary kölemınde para aldy dep aiyptalǧan.
Tergeudı Almaty qalasy boiynşa Antikorrupsiialyq qyzmet ökılderı jürgızgen. Küdıktı sottyŋ sanksiiasymen qamauǧa alynǧan. Sol jyldyŋ şıldesınde Däuren Maqajanovqa qatysty ükım şyqty. Ol asa ırı kölemde para alǧany üşın kınälı dep tanylyp, maksimaldy qauıpsızdık qylmystyq-atqaru jüiesı mekemelerınde jazasyn öteumen 10 jylǧa bas bostandyǧynan aiyryldy.
