شىعىس قازاقستان وبلىسى ەكولوگيا دەپارتامەنتىنىڭ باسشىسى ۇستالدى. بۇل تۋرالى انتيكوردىڭ ءباسپاسوز قىزمەتى جازدى، دەپ حابارلايدى «ادىرنا» ءتىلشىسى.
«شىعىس قازاقستان وبلىسىنىڭ سىبايلاس جەمقورلىققا قارسى قىزمەتى ۇلتتىق قاۋىپسىزدىك كوميتەتىنىڭ دەپارتامەنتىمەن ءوزارا ءىس-قيمىل نەگىزىندە وتكىزگەن جەدەل-ىزدەستىرۋ ءىس-شارالارىنىڭ ناتيجەلەرى بويىنشا وبلىستىڭ ەكولوگيا دەپارتامەنتىنىڭ باسشىسىن اشكەرەلەدى.
ول قاتتى پايدالى قازبالاردى بارلاۋ كەزىندە قورشاعان ورتاعا ەميسسيالاۋعا رۇقسات ەتكەنى جانە جالپى قامقورلىعى ءۇشىن كاسىپكەرلىك سۋبەكتىلەرىنەن بىرنەشە رەت پارا الۋ بويىنشا كۇدىكتى»،—دەلىنگەن حابارلامادا.
تەرگەۋ سوتىنىڭ سانكتسياسىمەن كۇدىكتى قاماۋعا الىندى.
سوتقا دەيىنگى تەرگەۋ جالعاسۋدا.
قىلمىستىق-پروتسەستىك كودەكسىنىڭ 201-بابىنا سايكەس وزگە اقپارات جاريا ەتۋگە جاتپايدى.
