بۇگىنگى تەلەدەباتقا توقاەۆ شىعا ما؟

1336

بۇگىن، كەشكى 18.00-دە "حابار" ارناسىندا تىكەلەي ەفيردە وتەتىن كانديداتتار دەباتىنا قاسىم-جومارت توقاەۆتىڭ ورنىنا ونىڭ سايلاۋالدى شتابىنىڭ جەتەكشىسى ماۋلەن اشىمباەۆ قاتىسادى.  بۇل تۋرالى "نۇر وتان" پارتياسىنىڭ ءباسپاسوز قىزمەتى حابارلادى.

“وزدەرىڭىز بىلەتىندەي، قاسىم-جومارت توقاەۆ ەۋرازيالىق ەكونوميكالىق كەڭەس جانە باسقا دا حالىقارالىق دارەجەدەگى شارالارعا قاتىستى. سوندىقتان، قاسىم-جومارت توقاەۆ بۇيرىعىمەن ونىڭ اتىنان، سەنىمگەر تۇلعا رەتىندە تەلەدەباتقا رەسپۋبليكالىق قوعامدىق شتاب باسشىسى ماۋلەن اشىمباەۆ قاتىسادى”، - دەپ حابارلايدى پارتيانىڭ ءباسپاسوز قىزمەتى.

قر پرەزيدەنتىنىڭ كومەكشىسى ەرلان قارين  توقاەۆتىڭ  تەلەدەباتقا قاتىسپايتىنىن ايتقان بولاتىن.

تەلەدەباتقا جامبىل احمەتبەكوۆ، ءامىرجان قوسانوۆ، تولەۋتاي راحىمبەكوۆ، امانگەلدى تاسپيحوۆ، ءسادى-بەك تۇگەل قاتىساتىندارىن ايتتى. Inforumburo.kz سايتىنىڭ حابارلاۋىنشا، "اق جول" پارتياسىنىڭ كانديداتى دانيا ەسپاەۆا دەباتقا قاتىسپايدى. ونىڭ ورنىنا پارتيا توراعاسى ازات پەرۋاشەۆ قاتىسادى.

پىكىرلەر
رەداكتسيا تاڭداۋى
Серіктестер/Партнеры
Студия IMA - создание сайтов Доставка цветов Астана - Lova Buket