Búgin, keshki 18.00-de "Habar" arnasynda tikeleı efırde ótetin kandıdattar debatyna Qasym-Jomart Toqaevtyń ornyna onyń saılaýaldy shtabynyń jetekshisi Máýlen Áshimbaev qatysady. Bul týraly "Nur Otan" partııasynyń baspasóz qyzmeti habarlady.
“Ózderińiz biletindeı, Qasym-Jomart Toqaev Eýrazııalyq ekonomıkalyq keńes jáne basqa da halyqaralyq dárejedegi sharalarǵa qatysty. Sondyqtan, Qasym-Jomart Toqaev buıryǵymen onyń atynan, senimger tulǵa retinde teledebatqa Respýblıkalyq qoǵamdyq shtab basshysy Máýlen Áshimbaev qatysady”, - dep habarlaıdy partııanyń baspasóz qyzmeti.
QR prezıdentiniń kómekshisi Erlan Qarın Toqaevtyń teledebatqa qatyspaıtynyn aıtqan bolatyn.
Teledebatqa Jambyl Ahmetbekov, Ámirjan Qosanov, Tóleýtaı Rahymbekov, Amangeldi Taspıhov, Sádi-Bek Túgel qatysatyndaryn aıtty. Inforumburo.kz saıtynyń habarlaýynsha, "Aq jol" partııasynyń kandıdaty Danııa Espaeva debatqa qatyspaıdy. Onyń ornyna partııa tóraǵasy Azat Perýashev qatysady.
