Ranking.kz. اگەنتتىگى كەلتىرگەن دەرەكتەردە، شوب سەكتورىنداعى بارلىق تىركەلگەن كومپانيالاردىڭ 17% - ى الماتىعا تيەسىلى ەكەنى كورسەتىلگەن، دەپ جازدى «ادىرنا ءتىلشىسى.
قازاقستانداعى شاعىن جانە ورتا كاسىپورىندار سەگمەنتىنىڭ جاعدايىنا تالداۋ جاساعان اگەنتتىك ساراپشىلارى، قر-داعى شوب سۋبەكتىلەرىنىڭ سانى بويىنشا ءابسوليۋتتى كوشباسشى رەسپۋبليكانىڭ قارجى ورتالىعى جانە مادەني استاناسى، الماتى قالاسى دەگەن قورىتىندىعا كەلگەن.
«قر بويىنشا سەكتوردىڭ بارلىق تىركەلگەن كومپانيالارىنىڭ 17% - ى الماتىعا تيەسىلى: 368,6 مىڭ»، - دەلىنگەن اگەنتتىك حابارلاماسىندا.
رەسمي دەرەكتەرگە سۇيەنسەك، 2023 جىلدىڭ ءبىرىنشى توقسانىنىڭ قورىتىندىسى بويىنشا ەلىمىزدە 2,1 ملن شوب سۋبەكتىسى تىركەلگەن، ونىڭ ىشىندە جۇمىس ىستەپ تۇرعاندارى نەبارى 1,9 ملن.
جالپى، قالالىق كاسىپكەرلىك باسقارماسىنىڭ مالىمەتىنشە، 2023 جىلى الماتىدا جۇمىس ىستەپ تۇرعان شاعىن جانە ورتا كاسىپورىندار سانى 315,2 مىڭدى قۇرايدى، بۇل 2022 جىلمەن سالىستىرعاندا 44,7% - عا ارتىق.
2023 جىلدىڭ ءبىرىنشى توقسانىنا الماتىدا رەسپۋبليكا بويىنشا تىركەلگەن 2,1 ملن-نان 368,6 مىڭ شوب سۋبەكتىسى تىركەلگەن.
بۇل رەتتە ونىڭ 315,2 مىڭى — جۇمىس ىستەپ تۇرعان كومپانيالار، بۇل وتكەن جىلمەن سالىستىرعاندا 44,7% — عا ارتىق، - دەپ حابارلادى اگەنتتىك ۇلتتىق ستاتيستيكا بيۋروسىنىڭ دەرەكتەرى نەگىزىندە.
باسقا ماتەريالدار
Adyrna.kz ۇلتتىق پورتالىنىڭ ماڭىزدى اقپاراتتارىنا جازىلۋ
سوڭعى جاڭالىقتار تۋرالى حاباردار بولىڭىز