الماتىدا 2023 جىلى شوب سالاسىندا ءونىم ءوندىرىسى 3,9 ترلن تەڭگەگە جەتتى

قازاقستاندا 4 ميلليوننان استام ادام شاعىن جانە ورتا كاسىپكەرلىكپەن اينالىسادى. 2023 جىلدىڭ ءبىرىنشى توقسانىندا ولار 13,6 ترلن تەڭگەگە ءونىم ءوندىردى. جەتەكشى ءوڭىر - الماتى 3,9 ترلن تەڭگەنى قامتاماسىز ەتتى، دەپ حابارلايدى «ادىرنا» ءتىلشىسى. اعىمداعى جىلدىڭ ءبىرىنشى توقسانىنىڭ قورىتىندىسى بويىنشا ەلدىڭ ءجىو-دەگى شوب-ءتىڭ جالپى قوسىلعان قۇنى 8,6 ترلن تەڭگەگە جەتتى. الماتىنىڭ ۇلەسى 2,6 ترلن تەڭگەنى قۇرادى. «الماتى مىسالىندا ءتيىمدى مەملەكەتتىك قولداۋ جانە قولايلى بيزنەس-ورتانى قۇرۋ شاعىن جانە ورتا كاسىپكەرلىك سالاسىنىڭ ەلەۋلى دامۋىنا قالاي ىقپال ەتەتىنى بايقالادى»، - دەپ اتاپ ءوتتى كاسىپكەرلىك جانە ينۆەستيتسيالار باسقارماسىندا. ەستەرىڭىزگە سالامىز، الماتى قالاسى كاسىپكەرلىك جانە ينۆەستيتسيالار باسقارماسىنىڭ دەرەكتەرىنە سايكەس، قالادا شاعىن جانە ورتا كاسىپكەرلىكپەن (شوب) اينالىساتىن قالا تۇرعىندارىنىڭ سانى 872 مىڭعا جەتتى. ءونىم ءوندىرۋ كولەمى 3,9 ترلن تەڭگەنى قۇرادى. وتكەن جىلدىڭ سايكەس كەزەڭىمەن سالىستىرعاندا ءوسىم 1 ترلن تەڭگەنى قۇرادى.