قارجىلىق مونيتورينگ اگەنتتىگى Telegram مەسسەندجەرىندە بوت ىسكە قوستى.
بۇل قۇرال ارقىلى قازاقستاندىقتار ەكونوميكالىق قۇقىق بۇزۋشىلىقتار تۋرالى ءبىر-اق باتىرمانى باسۋ ارقىلى حابارلاي الادى. «AFM Insider» رەسمي بوتى بىرنەشە بولىمدە حابارلاما قالدىرۋ مۇمكىندىگىن بەرەدى.
وسىدان كەيىن ساۋالدىڭ ءمانىن ايتىپ، «جىبەرۋ» تۇيمەسىن باسىڭىز. حابارلاما از ۋاقىتتا قارالادى. انونيمدىلىككە كەپىلدىك بەرىلەدى.
بوت سىلتەمەسى: https://t.me/afm_insider_bot
ەسكە سالا كەتەيىك، بۇعان دەيىن Telegram مەسسەندجەرىندە قازاقستاندىقتارعا ازاماتتاردى قارجى پيراميدالارىنا تارتاتىن الاياقتاردىڭ ارەكەتتەرىنەن قورعاۋعا ارنالعان بوت ۇسىنىلعان بولاتىن. وعان اعىمداعى جىلدىڭ باسىنان بەرى 6 مىڭعا جۋىق حابارلاما كەلىپ ءتۇستى، ونىڭ 1175 حابارلاماسى تەك 2023 جىلدىڭ تامىز ايىندا تۇسكەن.
بوت سىلتەمەسى: https://t.me/BAIQApiramidaBOT
قارجىلىق مونيتورينگ اگەنتتىگى جوسىقسىز ازاماتتاردىڭ زاڭسىز ارەكەتتەرىنىڭ الدىن الاتىن پروتسەستەردى اۆتوماتتاندىرۋ ارقىلى ەكونوميكالىق قىلمىستارمەن بەلسەندى كۇرەستى جالعاستىرادى.
جولدانعان حابارلاما تەك اقپارات سيپاتىنا يە جانە قىلمىستىق نەمەسە اكىمشىلىك قۇقىق بۇزۋشىلىق تۋرالى ءىس قوزعاۋعا نەگىز بولا المايدى.
باسقا ماتەريالدار
Adyrna.kz ۇلتتىق پورتالىنىڭ ماڭىزدى اقپاراتتارىنا جازىلۋ
سوڭعى جاڭالىقتار تۋرالى حاباردار بولىڭىز