QMA ekonomikalyq qūqyq būzuşylyq faktılerın habarlauǧa arnalǧan Telegram botty ıske qosty

Qarjylyq monitoring agenttıgı Telegram messendjerınde bot ıske qosty. Būl qūral arqyly qazaqstandyqtar ekonomikalyq qūqyq būzuşylyqtar turaly bır-aq batyrmany basu arqyly habarlai alady. «AFM Insider» resmi boty bırneşe bölımde habarlama qaldyru mümkındıgın beredı. Osydan keiın saualdyŋ mänın aityp, «Jıberu» tüimesın basyŋyz. Habarlama az uaqytta qaralady. Anonimdılıkke kepıldık berıledı. Bot sıltemesı: https://t.me/afm_insider_bot Eske sala keteiık, būǧan deiın Telegram messendjerınde qazaqstandyqtarǧa azamattardy qarjy piramidalaryna tartatyn alaiaqtardyŋ äreketterınen qorǧauǧa arnalǧan bot ūsynylǧan bolatyn. Oǧan aǧymdaǧy jyldyŋ basynan berı 6 myŋǧa juyq habarlama kelıp tüstı, onyŋ 1175 habarlamasy tek 2023 jyldyŋ tamyz aiynda tüsken. Bot sıltemesı: https://t.me/BAIQApiramidaBOT Qarjylyq monitoring agenttıgı josyqsyz azamattardyŋ zaŋsyz äreketterınıŋ aldyn alatyn prosesterdı avtomattandyru arqyly ekonomikalyq qylmystarmen belsendı kürestı jalǧastyrady. Joldanǧan habarlama tek aqparat sipatyna ie jäne qylmystyq nemese äkımşılık qūqyq būzuşylyq turaly ıs qozǧauǧa negız bola almaidy.