اقش مەملەكەتتىك حاتشىسىنىڭ وڭتۇستىك جانە ورتالىق ازيا ىستەرى جونىندەگى كومەكشىسى دونالد لۋ قازاقستانعا كەلەدى، دەپ حابارلايدى "ادىرنا" ءتىلشىسى.
دونالد لۋ اقش-تىڭ ورتالىق ازياعا ساپارلايتىن دەلەگاتسياسىنا جەتەكشىلىك ەتەدى. دەلەگاتسيا قىركۇيەكتە C5+1 فورماتىندا وتكەن العاشقى ءسامميتتىڭ جەتىستىكتەرىن بەكىتەدى.
اقش مەملەكەتتىك حاتشىسىنىڭ كومەكشىسى ەلوردادا قازاقستاننىڭ بىرقاتار جوعارى لاۋازىمدى تۇلعالارىمەن كەزدەسىپ، ەكى ەل اراسىنداعى ستراتەگيالىق ارىپتەستىكتى كەڭەيتۋ بويىنشا ديالوگقا قاتىسادى.
رەسمي اقپاراتتار بويىنشا، اقش پەن قازاقستان ساياسي جانە قاۋىپسىزدىك سالاسىنداعى ىنتىماقتاستىقتى، ەكونوميكالىق ارىپتەستىك پەن ادام قۇقىقتارىن قورعاۋدى قوسا العاندا، ءوزارا مۇددەلى بىرقاتار ماسەلەلەردى تالقىلاۋدى جوسپارلاماق.
4-11 قاراشادا قازاقستان، وزبەكستان جانە ۇندىستانعا بارادى. بۇل تۋرالى اقش مەملەكەتتىك دەپارتامەنتى مالىمدەدى.
قازاقستاننان كەيىن دونالد لۋ كورشىلەس وزبەكستانعا جول جۇرەدى.
دونال لۋ قاۋىپسىزدىك سەرىكتەستىگىن كەڭەيتۋ جانە ايماقتىق ماسەلەلەردى شەشۋدى تالقىلاۋ، ادامدار اراسىنداعى بايلانىستى نىعايتۋ جانە ءارتاراپتاندىرۋ ارقىلى ەكىجاقتى بايلانىستاردى دامىتۋ جولدارىن تالقىلاۋ ءۇشىن وزبەكستاننىڭ جوعارى لاۋازىمدى شەنەۋنىكتەرىمەن كەزدەسەدى.
وزبەكستاننان كەيىن اقش مەملەكەتتىك حاتشىسىنىڭ كومەكشىسى دونال لۋ مەن اقش دەلەگاتسياسى ۇندىستانعا ايماقتىق جانە جاھاندىق ماسەلەلەر، تازا ەنەرگەتيكا جانە قاۋىپسىزدىك ىنتىماقتاستىعى، اقش پەن ءۇندىستان اراسىنداعى 2+2 مينيسترلىك ديالوگى قارساڭىندا سەرىكتەستەرمەن كەزدەسۋگە بارادى.
