اقش اسكەرى سيريادا "يسلام مەملەكەتى" پوزيتسيالارىنا قارسى اسكەري وپەراتسيا جۇرگىزدى، دەپ حابارلايدى "ادىرنا" ۇلتتىق پورتالى The New York Times-كە سىلتەپ.
بۇل قادام پالميراداعى امەريكالىق اسكەري قىزمەتكەرلەرگە جاسالعان شابۋىلعا جاۋاپ رەتىندە قابىلدانعان.
اقش قورعانىس ءمينيسترى پيت حەگسەت X الەۋمەتتىك جەلىسىندەگى حابارلاماسىندا وپەراتسيانىڭ اتى "ياسترەبينىي ۋدار" ەكەنىن، ونىڭ ماقساتى – سودىرلاردىڭ ينفراقۇرىلىمى مەن قارۋ-جاراق قويمالارىن جويۋ ەكەنىن ايتتى. ول بۇل ارەكەتتى سوعىس باستاماسى ەمەس، "كەك الۋ" دەپ اتاپ، اقش ازاماتتارىن قورعاۋدا ەشقاشان ابدىرامايتىنىن مالىمدەدى.
The New York Times جازعانداي، وپەراتسياعا تىكۇشاقتار جانە ارتيللەريا قاتىسىپ، اۋە سوققىلارى 19 جەلتوقساندا باستالىپ، 20 جەلتوقسانعا دەيىن بىرنەشە ساعاتقا سوزىلعان.
اقش پرەزيدەنتى دونالد ترامپ "يسلام مەملەكەتى" پوزيتسيالارىنا قاتاڭ جاۋاپ بەرىلەتىنىن جانە سيريا ۇكىمەتىنىڭ بۇل ارەكەتتەردى قولدايتىنىن اتاپ ءوتتى.
پالميراداعى شابۋىل كەزىندە ەكى امەريكالىق اسكەري جانە ءبىر ازاماتتىق اۋدارماشى قازا تاپقان، ال ءۇش ادام جاراقات العان. سونىمەن قاتار، شابۋىل كەزىندە ءبىر سيريالىق اسكەري قىزمەتكەر دە قازا بولعان. اقش قورعانىس مينيسترلىگىنىڭ مالىمەتىنشە، شابۋىل جاساعان ادام سەرىكتەس كۇشتەر ارقىلى جويىلعان.
The Wall Street Journal دەرەگىنشە، شابۋىل امەريكالىق پودپولكوۆنيك پەن سيريا ءىىم وكىلى كەزدەسىپ تۇرعان كەزدە ورىن العان; شابۋىلداۋشى بولمەگە تەرەزەدەن قاراعان جانە پۋلەمەتپەن وق جاۋدىرعان.
