بۇگىن، 3 قاراشا الماتى قالاسى مەدەۋ اۋداندىق سوتىندا عالىمجان جاقيانوۆتىڭ تولەن توقتاسىنوۆ پەن ونىڭ جۇبايى الما توقتاسىنوۆاعا قاتىستى تالاپ ارىزى بويىنشا قورىتىندى سوت پروتسەسى ءوتتى. ناتيجەسىندە الما توقتاسىنوۆا جەڭىسكە جەتتى. تاعىلعان بارلىق ايىپ الىنىپ تاستالدى، دەپ حابارلايدى “ادىرنا” ۇلتتىق پورتالى.
پاۆلودار وبلىسىنىڭ ەكس-اكىمى، ساياساتكەر عالىمجان جاقيانوۆ بۇرىنعى دوسى ەكس-دەپۋتات تولەن توقتاسىنوۆتىڭ جۇبايى الما توقتاسىنوۆادان “ار-نامىسىمدى تاپتادى” دەگەن جەلەۋمەن 2 000 000 تەڭگەگە جۋىق اقشا تالاپ ەتكەن بولاتىن. دەگەنمەن، ەكى ايعا سوزىلعان سوت توقتاسىنوۆانىڭ پايداسىنا شەشىلدى.
بۇعان دەيىن ەكى دوس اراسىنداعى داۋدىڭ نەدەن باستالعانىن جازعان ەدىك.
ايتا كەتەيىك، قاڭتار ايىندا تولەن توقتاسىنوۆتىڭ «ادىرنانىڭ» يۋتۋب ارناسىنا بەرگەن سۇحباتىنان كەيىن، جاقيانوۆ “ادىرنا” ۇلتتىق پورتالىنىڭ ۇستىنەن ارىز تاستاعان بولاتىن.
