ەلوردانىڭ ورتالىق كوشەسىنە ماجارستاننىڭ اتاقتى ۇلتتىق اقىنى شاندور پەتيوفيدىڭ ەسىمى بەرىلدى. بۇل تۋرالى سىرتقى ىستەر مينيسترلىگىنىڭ ءباسپاسوز قىزمەتى جازدى، دەپ حابارلايدى «ادىرنا» ءتىلشىسى.
كوشەنىڭ سالتاناتتى اشىلۋ راسىمىنە پرەمەر-ءمينيستردىڭ ورىنباسارى – سىرتقى ىستەر ءمينيسترى مۇرات نۇرتىلەۋ مەن ماجارستاننىڭ سىرتقى ەكونوميكالىق بايلانىستار جانە سىرتقى ىستەر ءمينيسترى پەتەر سييارتو قاتىستى.
«اتاقتى ماجار اقىنىنىڭ 200 جىلدىق مەرەيتويىنا وراي ونىڭ ەسىمىن ەلوردامىزدىڭ كوشەسىنە بەرۋ سيمۆوليكالىق ماڭىزى بار جانە دوستىق قارىم-قاتىناستارىمىزدى نىعايتۋدا، سونداي-اق ەلدەرىمىز اراسىنداعى مادەني الماسۋدى دامىتۋدا ۇلكەن ءرول اتقارادى»، – دەپ مالىمدەدى مۇرات نۇرتىلەۋ.
