ۇلتتىق الەۋمەتتىك جاعدايىن جاقسارتۋعا نەگىزدەلگەن «قازاقستاندىقتاردىڭ ءال-اۋقاتىن ارتتىرۋعا باعىتتالعان تۇراقتى ەكونوميكالىق ءوسۋ» ۇلتتىق جوباسىنىڭ شەڭبەرىندە الماتى قالاسىندا اقۋىمدى جۇمىستار اتقارىلماق.
ۇلتتىق جوبانىڭ ەكىنشى باعىتىندا جوعارى ءونىمدى جۇمىس ورىندارىن قۇرۋ ارقىلى حالىقتىڭ تابىسىن ارتتىرۋ كوزدەلگەن. باس قۇجاتتاعى باستى باعداردى نازارعا العان الماتى قالالىق اكىمدىگى كەلەر جىلى 311 جۇمىس ورنى قۇرىلاتىن بەس بىردەي جوبانى جۇزەگە اسىرۋدا جوسپارلاۋدا.
اۋىز تولتىرىپ ايتارلىق كاسىپورىندار «يننوۆاتسيالىق تەحنولوگيالار پاركى» ارنايى ەكونوميكالىق ايماعىندا ىسكە قوسىلادى دەپ كۇتىلۋدە. الەۋمەتتىڭ الەۋەتىن نىعايتۋعا ارنالعان بۇل جوبالارعا جالپى سوماسى 12,2 ملرد. تەڭگە ينۆەستيتسيا تارتۋ كوزدەلگەن.
تارقاتىپ ايتار بولساق، اۋەلدە تەلەكوممۋنيكاتسيالىق جابدىقتار وندىرەتىن زاۋىتى، «Smart Alatau» جشس ىسكە ىرىەدى. ول ءۇشىن 800 ملن.تەڭگەگە ينۆەستيتسيا قۇيىلادى. مامانداردىڭ ايتۋىنشا، اتالمىش ءوندىرىس وشاعىنىڭ قۋاتتىلىعى جىلىنا 1 ملن. بىرلىك ءونىم شىعارۋعا قاۋقارلى بولماق. ناتيجەسىندە 120 جۇمىس ورنى قۇرىلادى.
كەلەسى كاسىپورىننىڭ جوبالىق قۇنى -1,7 ملرد.تەڭگە. «Kyzai» جشس يممۋنوليۋمينەستسەنتتى تەست-جۇيەلەر) وندىرەتىن قويمالارى بار كەشەن ءوز جۇمىسىن باستاماق. جىلدىق قۋاتى 500 مىڭ بىرلىك ءونىم شىعارۋعا جەتەتىن سەرىكتەستىكتە 45 جۇمىس ورنى اشىلادى.
مۇنىمەن قوسا، مەديتسينالىق تەحنيكا وندىرەتىن زاۋىتتا وڭتۇستىك استانادان اشىلادى دەپ كۇتىلۋدە. ونى ىسكە اسىرۋ ءۇشىن 1,5 ملرد.تەڭگە ينۆەستيتسيا قاجەت. مۇندا 40 جۇمىس ورنى قۇرىلىپ، جىلىنا 50 مىڭ بىرلىك تەحنيكا شىعارىلاتىن بولادى. سونداي-اق، ينۆەستيتسيا كولەمى شامالاس، جىلدىق قۋاتىنىڭ دەڭگەيى دە بىردەي 50 جاڭا جۇمىس ورنى اشىلاتىن «تەحنوپروەكت-ا» جشس-ءنىڭ قۇرامىنا كىرەتىن مەديتسينالىق جابدىقتار شىعاراتىن زاۋىتتا ەسىگىن ايقارا اشپاق. جانە دە جىلىنا 100 مىڭ دانا قۇرال-سايماندار، اپپاراتتار مەن جابدىقتار شىعاراتىن زاۋىت قولدانىسقا وتپەك. وعان جالپى سوماسى 1,3 ملرد.تەڭگە قاراجات قاراسىتىرلعان، سايكەسىنشە، 45 ادامدى جۇمىسپەن قامتۋعا مۇمكىندىك تۋماق.
سونىمەن قاتار، 2025 جىلى ارنايى ەكونوميكالىق ايماقتا جالپى قۇنى 11,6 ملرد تەڭگە بولاتىن جانە 417 جۇمىس ورنى اشىلاتىن كارتريدجدەر، مەديتسينالىق جابدىقتار، مەديتسينالىق جانە فارماتسەۆتيكالىق بۇيىمدار («ا-مەديكال» جشس، «Juldyz Kenan Co. LTD جشس»، «ۆيۆا فارم» جشس، «Doc Co. Ltd» جشس) شىعاراتىن ءتورت جوبانى ىسكە قوسۋ كۇتىلۋدە.
