جامبىل وبلىسىنىڭ قىلمىستىق ىستەر جونىندەگى سوتىندا سوت پروتسەسى ءوتىپ جاتقان ۋاقىتتا ايىپتالۋشىلار تاعىلعان ايىپپەن كەلىسپەي، تامىرلارىن كەسكەن، دەپ حابارلايدى "ادىرنا" پورتالى Orda.kz سايتىنا سىلتەمە جاساپ.
قىلمىستىق سوت تاعى دا ەسىرتكى جانە قارۋ-جاراق ساتتى دەپ ايىپتالعان ءبىر توپ ادامنىڭ ءىسىن قارادى.
سوت وتىرىسىندا بەس ايىپتالۋشى وتىردى. سولاردىڭ ءبىرى – ەربول احمەتوۆ.
2016 جىلى 6 جەلتوقساندا ۇلىنا تاعىلعان ايىپپەن كەلىسپەيتىن اناسى باس پروكۋراتۋرا عيماراتىندا ءوزىن-ءوزى ورتەپ جىبەرگەن.
بۇگىن احمەتوۆ سوتتا جامبىل وبلىسىندا زاڭسىزدىق پەن سىبايلاس جەمقورلىقتىڭ ورىن الىپ وتىرعانىن جانە سوتتالۋشىلارعا تاعىلعان ايىپتاردىڭ بارلىعى نەگىزسىز ەكەنىن قاتتى داۋىستاپ مالىمدەدى.
سەزىمگە تولى ءسوزىنىڭ سوڭىندا ەر ادام قولىن جوعارى كوتەرىپ، اشۋلى كۇيدە ءتىلىپ تاستادى. ونىڭ ىسىنە تاعى ەكەۋى ەردى.
سوت ورىنداۋشىلارى سوتتالۋشىلاردى بىردەن توقتاتىپ، سوت زالىنان الىپ شىقتى.
«سوتتالۋشىلار بەلگىسىز زاتتارمەن ءوز دەنەلەرىنە زاقىم كەلتىرگەن. قازىرگى ۋاقىتتا بارلىعىنا مەديتسينالىق كومەك كورسەتىلدى»، - دەپ حابارلادى سوتتىڭ ءباسپاسوز قىزمەتى.
سوت وتىرىسىن كەيىنگە قالدىرۋعا تۋرا كەلدى.
