Jambyl oblysynyń qylmystyq ister jónindegi sotynda sot proesi ótip jatqan ýaqytta aıyptalýshylar taǵylǵan aıyppen kelispeı, tamyrlaryn kesken, dep habarlaıdy "Adyrna" portaly Orda.kz saıtyna silteme jasap.
Qylmystyq sot taǵy da esirtki jáne qarý-jaraq satty dep aıyptalǵan bir top adamnyń isin qarady.
Sot otyrysynda bes aıyptalýshy otyrdy. Solardyń biri – Erbol Ahmetov.
2016 jyly 6 jeltoqsanda ulyna taǵylǵan aıyppen kelispeıtin anasy Bas prokýratýra ǵımaratynda ózin-ózi órtep jibergen.
Búgin Ahmetov sotta Jambyl oblysynda zańsyzdyq pen sybaılas jemqorlyqtyń oryn alyp otyrǵanyn jáne sottalýshylarǵa taǵylǵan aıyptardyń barlyǵy negizsiz ekenin qatty daýystap málimdedi.
Sezimge toly sóziniń sońynda er adam qolyn joǵary kóterip, ashýly kúıde tilip tastady. Onyń isine taǵy ekeýi erdi.
Sot oryndaýshylary sottalýshylardy birden toqtatyp, sot zalynan alyp shyqty.
«Sottalýshylar belgisiz zattarmen óz denelerine zaqym keltirgen. Qazirgi ýaqytta barlyǵyna medıınalyq kómek kórsetildi», - dep habarlady sottyń baspasóz qyzmeti.
Sot otyrysyn keıinge qaldyrýǵa týra keldi.
