ۇكىمەتتەگى بريفينگ بارىسىندا قازاقستاننىڭ ونەركاسىپ جانە قۇرىلىس ءمينيسترى قانات شارلاپاەۆ «ارسەلورميتتال تەمىرتاۋ» كاسىپورنىن مەملەكەت مەنشىگىنە قايتارۋعا قاتىستى سۇراقتارعا جاۋاپ بەردى، دەپ حابارلايدى «ادىرنا» ۇلتتىق پورتالى.
مينيستر ۇكىمەت كومپانيامەن ۇزاق ۋاقىت بويى كەلىسسوزدەر جۇرگىزگەنىن اتاپ ءوتتى.«ءبىز الدىن الا قۇجاتتارعا 22 قازاندا قول قويدىق. وزدەرىڭىز بىلەتىندەي، «ارسەلورميتتال تەمىرتا» قول قويۋ ءراسىمى قايعىلى وقيعاعا دەيىن بولعاندىعى تۋرالى اقپاراتتى راستادى. كەلىسسوزدەر تەز جۇرگىزىلدى دەپ ايتۋ دۇرىس ەمەس. الدىن الا كەلىسىمدەر 22 قازاندا جاسالعانىن تاعى دا قايتالاپ وتەمىن»، - دەدى ول.ساراپشىلاردىڭ ايتۋىنشا، لاكشمي ميتتال قازاقستاننىڭ ۇستىنەن حالىقارالىق سوتتارعا شاعىم تۇسىرە الادى.
«بۇل جاعدايدا ءبىز ەگجەي-تەگجەيلى زاڭ جۇمىستارىن جۇرگىزىپ جاتىرمىز. وسى ينۆەستور اكتسيونەرلەر قۇرامىنان شىققاننان كەيىن قازاقستاندى ودان ءارى سوت ىستەرىنەن قورعاۋ ءۇشىن»، - دەدى شارلاپاەۆ.سونداي-اق مينيستر كومپانيانىڭ اتاۋى وزگەرۋى مۇمكىن ەكەنىن ءمالىم ەتتى.
«شەشىم ءالى قابىلدانبادى. بىراق ينۆەستوردىڭ قازاقستاندىق كاسىپورىن اكتسيونەرلەرىنىڭ قۇرامىنان شىعۋىنا بايلانىستى ءبىز "ارسەلورميتتال تەمىرتاۋ" اتاۋىن پايدالانا المايمىز. مۇندا قىزمەتكەرلەردىڭ پىكىرىن ەسكەرۋ ماڭىزدى بولادى»، - دەدى ول.
«ادىرنا» ۇلتتىق پورتالى
ۇقساس جاڭالىقتار
